سوشل میڈیا ءِ بالخصوص فیسبوک ءِ یکشلہ برجائیں رویہ ءُ مئے سیاسی حکمت عملی! – عبدالواجد بلوچ

216

سوشل میڈیا ءِ بالخصوص فیسبوک ءِ یکشلہ برجائیں رویہ ءُ مئے سیاسی حکمت عملی!

عبدالواجد بلوچ

دی بلوچستان پوسٹ

گوستگیں چندیں وھد انت کہ من ھمے گندگ ءَ آں کہ فیسبوک ءِ جوڑ کتگیں قانون آئی اغراض و مقاصدانی رد ءَ مئے بلوچ راج ءِ سوشل میڈیا ءَ کرد ہر وھد ءَ بازیں پئیما متاثر اَنت! اے چو اے پئیم ہم بیت کنت کہ پاکستان ءِ سائیبر ٹیم یا پاکستان ٹیلی کمیونیکیشن ءِ نیمگ ءَ بازیں درخواستاں پد فیسبوک مئے بلوچانی داتگیں پوسٹ ءُ مواداں ہوار منظم و موجودیں بلوچ سائیٹ ءَ ہم چہ فیسبوک ءِ بازار ءَ بند کنگ ءَ اِنت!

اگں ما جھلانکی ءَ بچاریں بہ حیثیت یک جھدکارے اے جیڑہ بلاھیں جیڑہ ءِ……….. مئے مال ءُ مت ہمے سوشل میڈیا اِنت یقیناََ سرمایہ دارانہ دنیائے تہا ہرادارہ ءُ ملکانی وتی وتی مپاد بنت بلے آیا اے مپاداں چے یک کدمے دیما مئے آہوکیں حکمت عملی چی بہ بنت؟؟؟؟؟ وھدے یک فیسبوک ءِ توکا “بلوچ گل “یا میڈیا گروپساں” سمیت ھما سنگت کہ وتی ھکیگیں نامانی سرا اکٹیو انت ءُ وھد وھد سرا “بلوچ راجی شھید” یا “بلوچ سلاہ بندیں” گلانی جھد ءُ مواداں شئیر کن انت آھانی ھلاپ ءَ دژمن ریاست ءِ باقائدہ رپورٹ کنگ ءَ پد اے آئیڈیز ءُ پیج ءُ سائیٹ مکمل بلاک کنگ بنت……. متلب ایش انت کہ ھما کتگیں جھد ءُ چیزانی جم کنگ آھاں شنگ کنگ ءَ پد بہ یک جنبش اے ھلاس بنت…. یعنی بلاھیں محنت ءِ زوال بیت…. ءُ اِش کنگ ءَ فیسبک پے در پے چشیں چیزانی بوھگے ھلاپ ءَ بگندے ھما مردم کہ متلب وتی ھکیگیں آئیڈیزانی سرا کارا انت آھانی سرا قانونی کاروائی ہم بکنت پرچا کہ قانون رد ءَ اے آئی ھک انت!
بلے گپ ایش انت کہ آیا ما وتی کدماں بداریں یا دژمن ریاست ءِ یکشلہ برجاہ بیتگیں اے دباؤ کہ دئیگ بوھگ ءَ اِنت اشی ھلاپ ءَ ٹیکنیکل انداز ءَ یک حکمت عملی ءِ تیار بکنیں؟؟؟؟

اے سوال یقیناََ جواب تلب اِنت!

مارا بلوچ جھدکاراں بالخصوص اے چیز زانگ لوٹیت کہ سوشل میڈیا ءِ توکا ما کہ آگاہی ءِ یک سلسلہ ءِ وتی راج ءُ ڈنی مردمانی واستہ بندات کتگ اشی ءِ برورد چی پئیم مارا رسگ ءَ اِنت وھدے سوال وتی راج ءُ ڈیھہ ءِ کئیت گڑا جواب ایش انت کہ مُلک ءَ نیٹ ءِ سرا دژمن ءَ مکمل پابندی جتگ ءُ ھودا باقائدہ لھتے چیز مکمل فلٹر اَنت ھما مئے آواز اِنت آ مئے راج ءَ سر نبیت دومی کہ ما گشیں کہ ڈنی مردماں آگاہی دئیگی انت گڑا ادا فیسبکے ھما قانون و اغراض و مقاصد تئی دیما اڑاند بنت…………!

نی جیڑگی گپ ایش انت کہ سوشل میڈیا چی پئیم کارمرز کنگ بہ بیت؟؟؟؟

مرچی یقیناََ وھد ٹیکنالوجی ءِ گیں بلے یک جاگہ ءِ کہ تئی پاد دارگ بنت گڑا ترا ھما منظم ایں راہ پٹگی انت کہ ھودا تو وتی گپ ءَ ہم ایر کت بکنے ءُ آ گپے اہمیت ہم برقرار بہ بیت.

مرچی سوشل میڈیا فیسبوک ءِ سرا وتی انرجیانی کارمرز کنگ ءَ بھتر انت مئے ذمہ داریں گل ءُ سنگت ویب سائیٹس آنی سرا باھیدیں منظم انداز ءَ کار بکن انت ءُ اگاں ما سوشل میڈیا ابیدے سوشل چیزانی ھوالہ کارمرز کنیں گڑا باھیدیں لہتے اہمیں ہیشٹیگ کہ است انت ھما پوسٹ ءُ پکچرز کہ بلوچ بامرد یا گلانی است انت ھماھانی سرا گیشتر فیسبوک ءِ مطابق ءَ کہ آئی کمیونٹی رولزانی ھلاپ ورزی بئیگ انت آھاں پلٹر کنگ یا آھانی اسکچ جوڑ کنگ ءَ پد گوں مخصوص ایں ہیشٹیگاں گوں آ کارمرز کنگ ءُ شئیر کنگ بہ بنت…….!

اے درگت ءَ بلوچ ٹیکنیکل سنگت کہ آ ٹیکنالوجی اکسپرٹ انت ءُ یورپ ءَ باقاعدہ موجود انت آھاں چے رہنمائی زیرگ بہ بیت………. تاکہ ما اے روچ روچی فیسبوکے کمیونٹی ھلاپ ورزیانی ھوپ ءَ ہم بہ رَک ایں ءُ زاھریں سنگتانی سرا دگے قانونی پیچیدگی ءِ ہم مئیت ءُ مئے مکسد ہم پورا بہ بیت!

کم از بیست ءُ یکمی کرن ءَ وھدے کہ ما یک منظمیں راجی جُنزی ءِ واھندیں دومی نیمگ ءَ دژمن ریاست ءَ مئے کلیں راہ در بند کتگ انت مئے کلیں جھد اھتگ سوشل میڈیا ءَ محدود انت گڑا ادا اے راہ ءِ بند بئیگ ءَ پیش نوکیں حکمت عملیانی ٹھینگ ءُ آھاں کارمرز کنگ مئے واستہ المی انت..


دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔