سعودی وزیر توانائی خالد الفالح کے جاری کردہ ایک بیان میں کہا گیا ہے کہ یمن کے حوثی باغیوں نے انتہائی بڑے حجم کے حامل دو سعودی آئل ٹینکروں کو بحیرہ احمر میں نشانہ بنانے کی کوشش کی ہے۔
بیان کے مطابق اس حملے میں ایک ٹینکر کو معمولی سا نقصان پہنچا۔
ریاض حکومت نے حوثی باغیوں کے حملوں کے بعد عارضی طور پر آبنائے باب المندب کی گزرگاہ کے راستے سعودی تیل کی برآمد عبوری طور پر روک دی ہے۔
سعودی حکومت کے مطابق صورت حال بہتر ہونے پر اس راستے سے تیل کی برآمد بحال کر دی جائے گی۔
حوثی ملیشیا کے ٹیلی وژن المسیرہ کے مطابق ان حملوں میں سعودی جنگی بحری جہازوں کو نشانہ بنایا گیا تھا۔
