تربت : فورسز کے ہاتھوں ایک شخص حراست بعد لاپتہ

سیکورٹی فورسز کے آپریشن میں ایک شخص کو حراست بعد نامعلوم مقام پر منتقل کردیا

دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے ضلع کیچ کے علاقے تربت سے سیکورٹی فورسز نے ایک شخص کو گرفتار کرکے نامعلوم مقام پر منتقل کردیا ہے –

تفصیلات کے مطابق تربت کے علاقے ہیرونک میں گذشتہ رات فورسز نے آپریشن کرتے ہوئے ایک شخص کو گرفتار کرکے لاپتہ کردیا ہے –

لاپتہ ہونے والے شخص کی شناخت لیوار ولد مراد کے نام سے ہوئی ہے –

ذرائع کے مطابق کچھ روز سے مکران کے مختلف اضلاع میں سیکورٹی فورسز کے نکل اور حرکت اور چھاپوں سمیت کئی افراد کی گرفتاری بعد نامعلوم مقام پر منتقلی کے اطلاعات بھی موصول ہوئی ہیں –

واضع رہے دو روز قبل تربت کے قریب سیکورٹی فورسز پر ایک حملے میں فرنٹئیر کور کے 6 اہلکار ہوئے تھے جس کی تصدیق سیکورٹی اداروں نے بھی کی تھی. حملے کی ذمہ داری بلوچ آزادی تنظیموں کے مشتمل اتحاد “بلوچ راجی آجوئی سنگر” نے قبول کی تھی جبکہ حملے بعد علاقے میں فورسز کی غیر معمولی نقل و حرکت دیکھی گئی ہے –