سورج کا شہر (حصہ دوئم) | قسط 41 – ڈاکٹر شاہ محمد مری

380

دی بلوچستان پوسٹ کتابی سلسلہ

سورج کا شہر (سفر نامہ) – ڈاکٹر شاہ محمد مری
حصہ دوم | پندرہ برس بعد | بلوچ مائتھالوجی اور ہنگلاج ماتا مندر – (بلوچ آزمانک)

یہاں، برسبیل تذکرہ ایک بات کہنے کی یہ بھی ہے کہ ہنگول پارک ایسا ٹورازم سپاٹ نہیں جہاں حکومت کو مصنوعی آرائشیں سہولتیں یا عیاشیاں مہیا کرکے لوگوں کو بلانا پڑے۔ یہاں تو آٹومیٹک طور پر لاکھوں زائرین نے آنا ہوتا ہے۔ کسی نے کوئی برا خواب دیکھا، اُسے رفع کرنے کو، کسی کی منت پوری ہوگی اُس کا نذرانہ دینے کو، کسی کی کوئی تمنا اور خواہش ہو وہ آئے گا، مانگے گا………… پوری ایک دنیا ہے جن کی ضرورتیں حکومتیں ریاستیں پورا نہیں کرتیں تو وہ مانگنے مافوق الفطری قوتوں سے بھرے ہوئے پیروں فقیروں کے درباروں کا رخ کرتے ہیں۔

نیز یہاں عام سیاحت کے لیے نوجوان لوگ براعظموں کے سفر کرتے ہیں۔ اسی طرح تاریخ، ادب اور مائتھالوجی کے طالب علم تحقیق اور ریسرچ کرنے یہاں کی مسافرت کرتے ہیں۔ لہٰذا حکومت سے یہ کہوں گا کہ اُسے پرکشش بنائے یا نہ بنائے اُسے تکالیف و پریشانیوں سے مبرا علاقہ بنا دے۔

ویسے ہم نے یہاں اچھی خاصی سہولتیں دیکھی بھی ہیں۔ یہاں سولر پلیٹوں کے ذریعے دن رات بجلی موجود ہے اور ایک دور افتادہ، غیر آباد علاقہ عجیب رنگوں اور مختلف طاقت کے بلبوں سے روشن رہتا ہے۔ ڈیزل جنریٹر اُس کے علاوہ ہیں۔ باتھ روم بنے ہوئے ہیں۔

یہاں گیان اور بھجن ہوتا ہے اور پرشاد تقسیم ہوتی ہے۔ بلوچستان کی خاموش نبض اپنے اندر کس قدر متنوع نبضیں رکھتی ہوگی، کتنے اور ملینیم چاہئیں اندازہ کرنے کو۔ بھجن تو اُس خاموش و دھندلی روحانیت کوچھونے میں اہم کردار ادا کرتا ہوگا جو ازل سے یہاں موجود ہے۔

نانی مندر کو قدیم کتابوں میں ”ماروتِر تھا ہنگلاج“ بھی کہتے ہیں۔ یعنی ہنگلاج، صحرا کی زیارت گاہ۔ اسی نام کا ایک بنگالی ناول بھی ہے جس میں مصنف نے اپنے سفرِ زیارت کی تفصیلات بیان کی ہیں۔ بعد میں اسے فلمی صورت بھی دی گئی۔
اِس قدر مشہورShrines میں ایک طرح کی گھمبیرتا، ایک طرح کا بھاری پن موجود ہوتا ہے۔ ایک حرمت بھری خاموشی۔ آپ شاؤلین ٹمپل میں ہوں یا نانی کے مندر میں، عقیدہ نہ رکھتے ہوئے بھی، اِن کا پیروکارنہ ہوتے ہوئے بھی، اُس بھاری پن سے مبتلا ضرورہوتے ہیں۔ ایک پُر شکوہ عظمت اورحسن آپ کو اپنی آغوش میں لیتا ہے۔

زیارت گاہ کے سامنے والے پہاڑ پر سورج کی طرح کا قدرتی سورج کندہ ہے۔ عقیدہ ہے کہ چوں کہ رام چندرجی سورج و نشی تھا، یہ اُسی کی نشانی ہے۔ جب رام نے توبہ اور کفارہ والی اپنی عبادت مکمل کی تو اپنے کمان سے تیر مار کر اپنا یہ نشان یہاں بنالیا۔

اور یہ ساری باتیں ہمیں کوئٹہ اور کیچ کے پی ایچ ڈی نہیں بتارہے تھے بلکہ عام آدمی بتارہا تھا۔ یہ اُس نے آج کے ٹی وی، سمینار، اور وڈیو گیمز سے نہیں سیکھے تھے بلکہ تحریر کی سہولتوں سے مبرا، زبانی روایتوں سے سنبھالے، دوسرے لوگوں سے سن کر محفوظ کیے تھے۔ عوام اپنی کلچرل میراث کو خود محفوظ رکھے گی۔ یونان کے اپنے سمیت پورا پوسٹ ٹکنالوجی والا یورپ زور لگا کر دکھائے، عوام الناس کے دلوں سے پرومی تھی اَس کو نہ مٹا پائیں گے۔

آخر میں بس یہ، کہ شاہ لطیف بھٹائی ہنگلا ج مندر کی زیارت پر آیا تھا۔ میں نے اُس کی شاعری کے اندر اُس کے اِن زیارتی سفر وں کے بارے میں ا شعار پڑھ رکھے ہیں۔ آئیے ذرا میر گل خان کے ترجمے کے ساتھ شاہ لطیف پڑھتے ہیں:

نانی
دیمپہ نانی شتنت منی دِلدار
کئے اِداں مَنتہ نیں منی ہمراز
بید چَماواں من زِندہ چوں ماناں
آمنی بیل اتنت و ہم دَمساز
………………
دستا نا قُوس و حاک و پُھرجانا
دِگہ ڈؤل ئنت جو گِیانی رواج
منی دِل دار و ہم دل آرام ئنت
رحمت ئنت کِرد گارئے جوگ مزاج
………………
دیمپہ نانی پچے رَوَئے سادُھو!
تئی منزل، تئی گوئرا اِیرِنت
ہر حقیقَّتے آ کہ تؤ پولئے
مں دِلئے توکا تئی وَتی چیرِنت
یک بَبنت ہر دیں تئی دل و دیدَگ
پٹّ و پولا پدا حَبر تیرِ نت
*****

ہنگلاج
اِشتہ ہنگلاجا بے تمائیں مَلَنگ
دیمپہ نانی ءَ چِرّ و لَڑ بَندَنت
اُشکتگ من کہ زیارتانی سرا
آ، مُراداں وَتی دِلئے گِندَنت
………………
شُتَنت ہنگلاجئے نیمگا، کئے زانت
لوٹِتگ کئے ہما نگوئر آوانا
کئے اِنت تِیر جَن مں پردَگئے پُشتا
ٹپّی کئی مان ئنت مں دل و جانا
………………
نہ ہوا و ہَوَس، نہ حِرص و تَماہ
ڈُبّ ووَش ئنت وَتی چڑھا، شپ و روچ
مِہری گوں ہنگلاجا اِکدّر اِنت
نَدری گردینَنت زندئے وشیّں روچ
………………
تو بلوٹَے اگاں ہِبئے جوگی
بُست بِرہ، مُرشِدئے بِکن دِیدار
پَٹ و دَرگیجی ہنگلاجئے گوئرا
نِشتہ بِیت اوداں، ہَندے آ بوتار
………………
ہنگلاجئے سفر تئی دیما انت
راہئے سِنگ ئنت پہ تئی سفر اَوھام
لوگئے نِندگ دلِیل اِنت مَنڈی ئے
قاتِلیں جؤر پَرتؤ اِنت آرام
پُھل دَپے ہیل اِنت، پرتئی دیدار
کایَگا ئنت چہ شگھرِ با پیگَھام
………………
دیم پہ ہنگلاجئے زیارتا، زُوتی
کِلّنت اِے مَہتگاں رؤنت جوگی
کَد پدا بِیت نصیب دِیدارِش
تؤ کُجا بئے، کُجا بی ئنت جوگی
………………
چَہ ندارگ بِبَند چَمّانا
جُست و جُو آگوں، ہچ نہ بِیت حاصِل
آرِزُوگانی لَمبَگاں مں بُسُچ
رنگ و بُو آ گوں، ہچ نہ بِیت حاصِل
پَٹّ و پولِش مں ہنگلاجا بِرؤ
آہ و ھُو آ گوں، ہچ نہ بیت حاصل
………………
پَدّھرا بوت شمے مَیَرزوئی
ہنگلاجئے شُمے سفر، بے کار
جَلوگا روچئے چے بِزاننت، ہما
کپتگنت مں تہارِیاں، جَماّر
شُما اوداں نہ دیستہتی جوگی!
نِز درھنز ینت جلوہ نا کین یار

مسرت ہوئی کہ آج شاہ لطیف کے مقدس پیروں کی پیروی میں ہم نا چیزلوگ رینگ رہے تھے…………گو کہ شاہ لطیف کی حالت کے برعکس ہم پیدل بھی نہ تھے، ننگے پیر بھی نہ تھے،اور بے راشن بھی نہ تھے……………… مگر کمٹ منٹ؟؟!!


دی بلوچستان پوسٹ: اس تحریر میں پیش کیئے گئے خیالات اور آراء لکھاری کے ذاتی ہیں، ضروری نہیں ان سے دی بلوچستان پوسٹ میڈیا نیٹورک متفق ہے یا یہ خیالات ادارے کے پالیسیوں کا اظہار ہیں۔