هون شھیدانی پُل رودین انت – واھگ بلوچ

318

هون شھیدانی پُل رودین انت

نبشتہ کار: واھگ بلوچ

دی بلوچستان پوسٹ

بلوچ کومی آجوئی جنُز مرچی سرجمیں دگنیا ءَ چو روچ ءَ رژنا ءُ آشکار انت.
1948 ءَ بگر داں روچ ء مروچی زورگریں پاکستان ءَ بلوچ راج ءَ را ایرموش کنگ ءِ هاتر ءَ همک وڑیں زوراکی کتگ همک وڑیں پندل سازیتگ همک وڑیں زوراکی کتگ بلوچ ورناه ءُ نودربر بیگواه کتگ انت بلوچ مات ءُ گهار زندانیگ کتگ انت بلوچی گیرت دود ربیدگ پادمال کتگ انت.
تاسپیں بچانی ژانگولیں لاش ویرانگ ءُ گیاباناں دور داتگ انت بلے انگت بلوچ ورنا ءُ نودربر وتی کومی آجوئی ءَ چہ پد کنز نہ بوتگ انگت بلوچ راج ءَ وتی نزوریں کوپگاں وتی کومی جنز ءِ بارے بڈ ءَ بستگ ءُ جنزان انت دیم پہ منزل ءَ.
مرچی بلوچ مات گهار پہ مڑاھے وتی تنگوهیں شھیدیں بچاں گوں هالو برنت گلزمین ءِ امبازاں واپین انت .
بلوچ راج ءَ وتی کومی آجوئی ءَ پہ باز کربانی داتگ ءُ انگہ پہ شانے کربانی دیگ ءَ انت.
اے همے شھیدانی هونانی برورد انت کہ مرچی همک ورنا پہ هدوناکی چو شے مرید ءَ دیوانگی وتی گلزمین ءَ پہ ندر بوان انت.
بلوچی زبان ءِ جوانیں شائر واجہ گلام هسین شوهاز جاھے ءَ گشیت …. هون شھیدانی پُل رودین انت…..
مرچی بلوچستان ءِ بچانی رتکگیں هوناں پل رودینتگ مرچی بلوچستان ءِ کوه گیابان دمک در کشک میتگ همیں شھیدانی رتکگیں هونانی بو ءَ سرپتگ بلوچستان ءِ هاک شھیدانی هونانی وش بو ءَ چو بھیشت ءَ سرپتگ مرچی بلوچ بچاں گوں وتی بلوچستان سینگاریتگ. بانور کتگ.
آپرین انت بلوچ راج ءِ تنگوهیں بچاں
سهریں دروت بلوچ راجے پلیں شھیداں . بلوچستان آجو بات بلوچ راج آباد بات.


دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔