بندیں کوٹی ءِ جِنک (چِل ءُ نُھمی بھر) – اکیل مراد

132

بندیں کوٹی ءِ جِنک
(چِل ءُ نُھمی بھر)

اکیل مراد

دی بلوچستان پوسٹ

“بھیرہ چین “بھیرہ اھمر “بھیرہ ھِند “کور ءِ سویز بیتگ اَنت ءُ وھدیکہ سھب ءَ چم پچ بیتگ اَنت پجار نہ بوگ ءِ سوْب ءَ گڑا ھمے سما بیتگ لُڑیں آپ ءِ سر ءَ گوزگ ءَ ایں بلے درستاں چَہ پیسر آ دریایے بیتگ، آ دُرستاں چَہ گِستا بیتگ، دُرستاں چَہ جُھل تِر زِرباری دمگاں تالان بیتگ چُشکہ وتی وھد ءِ رِد ءِ میان ءَ درستاں چَہ دراج تِر بیتگ سیلون ءُ سامالیہ ءِ میان ءَ بیتگ برے برے ھَنچش آ ایرموش بیتگ کہ مولم ھَنچُش پلگار ءُ ھَشک بیتگ آئی ءِ گوازینگ ءِ وھد ءَ ھمے سما بیتگ کہ دریا ءَ سپر کنگ ءَ نئیت بلکیں دگہ یک چیزے ءِ سر ءَ روگ ءَ پد ءَ جھاز ءِ سرجمیں در پَچ کنگ بیتگ اَنت دیوان جاہ، جڑکوکیں رژنائی مساپر کیبن ءِ گور ءَ چَہ پاد اتکگ ءُ چَت ءِ برزی نیمگ ءَ شتگ ءُ وپتگ اَنت

بلے یک سپرے ءِ وھد ءَ ھمے دریا ءِ گوازینگ ءَ شپ ءِ وھد ءَ یک مردمے بیران بیتیں جِنک ءَ اے نِی یات نہ اِنت کہ ھمے سپر ءِ وھد ءَ بیتگ یا دگہ سپرے ءِ وھد ءَ بیتگ لھتے مردم اولی تبک ءَ شراب جاہ ءَ نشتگ ءُ پَتائی کنگ ءَ اَنت اے لیب کنوکانی تہ ءَ یک ورنایے ھم گون اَت ءُ یک ھنچیں جیڑگے ءَ اے ورناہ ءَ ابید ءِ گپ کَشگ ءَ وتی تاک چگل دات اَنت ءُ شراب جاہ ءَ واتر در آتک تچان تچان ءَ چَت ئِے گوازینت ءُ دریایے ءِ توک ءَ دَور ئِے کُت وھدیکہ سرجمیں رواجاں کہ رؤکیں جھاز داں دارگ بیت گڑا اے وھد ءَ داں آئی ءِ لاش گِندگ ءَ نہ آتک

ناں اے نبشتگ کنگ بیتگ کہ آئی ءَ جھاز ءَ ناں بلکیں دگہ جاھے ءَ چماں کَپتگ ھمود ءَ کَسے ءَ اے کِسہ کُتگ آئی ءَ اِش کُتگ اے سادِک اَت ھما سادِک ءِ ڈسٹرکٹ آپیسر ءِ چُک اَت جنک ءَ آ زانتگ اَت آ ھم سائیگون ءَ لیسے ءَ وانگ ءَ بیتگ جِنک ءَ یات اِنت دراج ءُ برزانک بیتگ بے تواریں چھرگے بیتگ ھاک رنگیں مردمے بیتگ برگ شاکیں چَشمکے آئی ءِ کیبن ءَ چَہ ھِچ دز نہ کپتگ ھِچ وڑیں نِمدی ھم اناں آئی ءِ اُمر ءِ یاتگیری انگت ءَ ھستیں ترسناک ھما ھبدہ سالی، جھاز دوبر پروشگ ءِ واستا جنزان بیت درستاں چَہ دل دردیگیں گپ ایش اَت کہ روچ ءِ ایر بُکی، نیل بوھیں زِر ءُ شوھاز ءِ ھلاس کنگ ءِ تپاوت ءِ جتائی
ءُ پد ءَ یک وھدے ءِ گپ اِنت اے ھما سپر ءِ وھد ءَ دیم ءَ آتکگ ھما دریا ءِ گوازینگ ءِ وھد اَت ھمک شپانی وڑ ءَ شپ ءَ ھم وتی انسرگ بندات کُتگ اِت اَنت مزنیں چَت ءَ مزنیں توار کَشاں چَہ اچانگ ءَ یک والٹز ءِ سوتے ءِ دروشم ءَ توار بُرز بیت ھَنچُش کہ اے توار پیسر ءَ گوشاں کپتگ پرچاکہ آئی ءَ ھمے ماھانی تہ ءَ سِکگ ءِ جھد کتگ اَت بلے آ ایشی ءَ الکاپ ءَ ھیل گرگ ءَ سوبین نہ بیتگ ءُ چریشی ءِ سوْب ءَ آئی ءِ مات ءَ گْوشتگ کہ آ بینجو ءِ جنگ ءَ بند بہ کنت آ شپ دومی ھسابی ءِ شپاں چَہ یک شپے ءَ اَت چریشی ءَ آئی ءَ ایشی ءِ سر ءَ بیسہ اَت کہ ورنائیں جِنک ءَ اے جھاز ءِ سر ءَ وھد گوازینتگ ءُ آ اے وھد ءَ ھمود ءَ بیتگ

وھدیکہ اے گپ تالان بیت ٹپ ٹپُکیں آسمان ءِ پیچ ءُ تابانی جھلی ءَ اے”شوپیں ” مویسکار ءِ توار یک ھَنچیں جُلگموکیں رنگے ءَ اَت کہ اے وش ءُ لِزت کَشیں توار ءَ جھاز ءِ کُنڈ کُنڈ بڈ ءَ اِت اَنت ھَنچُش کہ اے آسمان ءِ یک پرمانے بیتگ کہ چریشی ءِ جوانی ءِ بارو ءَ ھِچ وڑیں سرپدی نہ بیتگ یک ھُدایے ھُکمے کہ باور ئِے نہ بیتگ ءُ آ جنک پاد آتکگ ءُ اوشت ایت ھَنچُش کہ آ وتی باریگ ءَ وت ءَ وت بہ جَنت وتی باریگ ءَ وت دریا ءِ تہ ءَ دَور بہ کنت ءُ چریشی ءَ پد آئی ءَ گریتگ پرچاکہ آئی ءَ چولون ءِ مرد یات آتکگ اَت

ھَنچُش اچانگ ءَ آئی ءَ بیسہ نہ بیتگ اَت آئی ءَ ھم چُشیں مھروانے ءَ مھر نہ کتگ آئی ءَ چُشیں مھر رَس اِتگ پرچاکہ آ کِسہ ھنچُش دیم ءَ اتک ءُ گار بیت کہ ھَنچُش کہ آپ ریک ءِ تہ ءَ ھوار بیت ءُ چریشی ءَ چَہ آئی ءَ بس ھما سھت ءُ دمان ءَ دیست کہ دریا ءِ تہ ءَ چگل دیگ ءَ موسیکی ءِ گنج ءَ چَہ دو بر رَس اِتگ

ھَنچُش کہ چریشی ءَ پد کستریں برات ءِ ناگھیانی ءِ مرگ ءَ آئی ءِ کَش ءُ گورانی درستیں مردم واب کَپتگ اَنت موسیکی ءِ ایر بوگ بلے آیانی بُستی اناں

بازیں ایمنی ءَ جِنک جیڑ ایت کہ آئی ءَ اَنی وشتریں شپ دیستگ اَت کہ بھیرہ ھِند ءَ کجام ھم وھد ءَ اے ویل بیتگ اَت آئی ءِ ھیال اِنت کہ ھما شپ ءِ وھد ءَ آئی ءَ وتی کستریں برات یک جِنکے ءِ گوما آیگ ءَ دیستگ آئی ءَ جنگل ءِ نیمگ ءَ تِکہ داتگ جِنک ءَ آ وتی دلبند ءِ نیمگ ءَ داشتگ ءُ یکے دومی ءَ چُکگ ءَ اِنت جِنک الکاپ ءَ چارگ ءِ واستا ءَ بے توار بیتگ اَت آئی ءَ جنک پجاہ آؤرتگ اَت کہ آ کستریں برات ءِ گوما یکجاہ بیتگ آ جِنک ءَ آروس کرتگ اے یک مردگیں جُتک بیتگ اَنت ھمے وڑ ءَ گِندگ ءَ آتکگ کہ مرد ءِ ھِش نشانی گِندگ ءَ نئیت

سپر ءِ گُڈی روچاں کستریں برات ءُ اے جنک سرجمیں روچ ءَ کبین ءِ بن ءَ نندوک بیتگ اَنت آ بس شپ ءَ دراتکگ اَنت آیاں روچ ءَ ھمے سما بیتگ کہ کستریں برات وتی مات ءُ گھار ءِ ھمے وڑ ءَ دیستگ اَنت ئِے ھَنچُش کہ آ ایشاں پجاہ آرگ ءَ نہ اِنت مات ءِ شیر زھری ءَ چَہ بے تواری اَت ءُ پروشتگ اَت آ کسانُکیں جِنک گریویت آ وش بیتگ آئی ءِ ھیال اَت ءُ ایشی ءِ ھمراھی ءَ آئی ءَ اے ھم تُرس اِتگ اَت کہ کستریں برات ءَ پد چے یے جوڑ باں آئی ءِ ھیال اَت کہ آ ایشی ءَ یلا دنت ءُ ھما زال ءِ گوما روت بلے اناں آ پرانس ءِ واتری ءَ آئی ءِ ھمراھی ءَ واتر آتکگ اَت آئی ءَ نزانتگ اَت کہ سھر رنگیں جنک ءِ روگ ءَ پد چِنچُک وھد ءَ داں وتی پِت ءِ ھُکم ءِ سر ءَ اوشتوک بیت اِنت وھدیکہ آئی ءَ ایشی ءِ ھُکم ءِ منّگ ءِ سر ءَ ھما جنک ءِ گوما آروس کرتگ اَت کہ کٹم ءَ دَہ سال ءَ پیسر پراھی ءَ نامینتگ اَت

کسہ روان اِنت سپر ماں پرانسی جِنک ءَ ـ ـ ـ


دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔