عالمی عدالت انصاف کے فیصلے کے بعد پاکستانی حکام کلبھوشن جادھو کو قونصلر رسائی دینے پر مجبور
پاکستانی وزیرخارجہ شاہ محمود قریشی کا میڈیا سے گفتگو میں کہنا تھا کہ پاکستان عالمی عدالت انصاف کے فیصلوں پر عمل کرنے کا پابند ہے اور کلبھوشن جادھو کو کل قونصلر رسائی دی جائے گی۔
ترجمان دفتر خارجہ نے بھی بھارتی شہری کلبھوشن جادھو کو کل قونصلر رسائی کی تصدیق کرتے ہوئے کہا کہ کلبھوشن کو ویانا کنونشن، عالمی عدالت انصاف کے فیصلے کے مطابق قونصلر رسائی دی جارہی ہے۔
انہوں نے کہا کہ کلبوشن جادھو پاکستان میں جاسوسی اور دہشت گردی کے الزامات کے تحت حراست میں ہے۔
یاد رہے کہ رواں سال 17 جولائی کو عالمی عدالت انصاف نے پاکستان سے مطالبہ کیا تھا کہ وہ کلبھوشن کو قونصلر رسائی دے اور اسے دی جانے والی سزا پر نظر ثانی کرے۔
