جھاؤ سے فورسز کے ہاتھوں گرفتاری کے بعد ایک شخص لاپتہ
دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے علاقے جھاؤ سے فورسز کے ہاتھوں ایک شخص گرفتاری کے بعد نا معلوم مقام پے منتقل
تفصیلات کے مطابق جھاؤ کے علاقے واجہ باگ میں فورسز نے چھاپہ مار کر مسلم ولد تاج محمد سکنہ ڈولیجی کو گرفتاری کرکے نا معلوم مقام پے منتقل کردیا۔
دریں اثناء جھاؤ کے مختلف علاقوں میں میں کئی روز سے فوجی آپریشن تاحال جاری ہے۔
یاد رہے لاپتہ بلوچوں کی بازیابی کے لئے جہدوجہد کرنے والی انسانی حقوق کی تنظیم بی ایچ آر او کے چیئرپرسن طیبہ بلوچ نے گذشہ روز کوئٹہ پریس کلب میں پریس کانفرنس سے خطاب کرتے ہوئے کہا تھا کہ بلوچستان میں جبری گمشدگی کا معاملہ سنگین صورتحال اختیار کرتا جارہا ہے۔
ان کا مزید کہنا تھا کہ اقوام متحدہ جیسے اعلیٰ مہذب ادارے سمیت دیگر اداروں کی خاموشی کی وجہ سے بلوچستان میں جاری انسانی حقوق کے پامالیوں میں روز بروز اضافہ ہوتا جارہا ہے۔
