عوامی نیشنل پارٹی کے صوبائی صدر اصغر خان اچکزئی نے چمن پریس کلب میں پریس کانفرنس سے خطاب کرتے ہوئے کہا ہے کہ ریاست اور حکمران اشرافیہ چمن پرلت کے طوالت اور اس کے نتیجے میں یہاں پر پھیلی بے چینی تناؤ اور بے روزگاری کے ذمہ دار ہے ہزاروں افراد گزشتہ دو مہینوں سے سراپا احتجاج ہے جب کہ حکمران ان حقیقی مسائل سے چشم پوشی کیلئے بے جا اور غیر ضروری اقدامات کے ذریعے لوگوں کی توجہ ہٹانے کی ناکام کوششوں میں مصروف ہے چمن پرلت کے حمایت اور افغان کڈوال کی جبری بیدخلی کے خلاف قوم دوست وطن دوست سیاسی جماعتوں کے کارکنوں و ذمہ داران پی ٹی ایم کے سربراہ منظور پشتون پر فائرنگ ان پر بے جا مقدمات کارکنوں کے گھروں پر چھاپوں کی شدید الفاظ میں مذمت کرتے ہیں ۔
انہوں نے کہاکہ چمن کے دو صوبائی حلقوں کو ایک حلقے میں سمونے میں الیکشن کمیشن کے ساتھ ساتھ یہاں کے نام نہاد قوم پرست ومذہب پرست جماعتیں اور اسلام آباد نواز عناصر برابر کے شریک ہیں چمن کے غیور اولس سے اپیل کرتے ہیں کہ وہ ان عناصرکی قوم دشمنی کو مدنظر رکھ کر انہیں مسترد کردیں اور ان کی سازشوں سے ہوشیار رہے۔
اس موقع پر ضلعی صدر عبدالخالق حقمل، سنئیرنائب صدر گل زمان اچکزئی، گل باران افغان، تحصیل صدور گل جانو، ولید خان اچکزئی، عصمت وارخطا، جنرل سیکرٹریز محمدعلی مدلا، محمداکرم رحمانی، عنایت خان اور دیگر ضلعی و تحصیل ذمہ داران اور رہنماؤں کی کثیر تعداد موجود تھی۔
پریس کانفرنس سے خطاب کرتے ہوئے عوامی نیشنل پارٹی کے صوبائی صدر اصغر خان اچکزئی نے کہا کہ آج باچاخان مرکز چمن میں عوامی نیشنل پارٹی کے نومنتخب ضلعی صدر عبدالخالق حقمل کی زیر صدارت ضلعی کابینہ تحصیل چمن سٹی تحصیل صدر تحصیل ژڑہ بند کے کابینہ اجلاس منعقد ہوا جس میں تنظیمی امور تاریخی چمن پرلت کے اثرات افغان کڈوال کی جبری بیدخلی چمن کے دو حلقوں کی ایک حلقے میں انضمام پر تفصیل سے غور و خوض ہوا اجلاس میں چمن پرلت کے طوالت اور اس گھمبیر صورتحال سے حکومتی چشم پوشی پر گہری تشویش کا اظہار کیا گیا ساتھ ہی افغان کڈوال کی جبری بیدخلی کو بنیادی انسانی حقوق کی سنگین خلاف ورزی سے تعبیر کیا گیا اور پرامن احتجاج کرنے والوں قوم پرست جماعتوں کے زمہ داران پشتون تحفظ مومنٹ کے سربراہ منظور پشتین اور پی ٹی ایم کے دیگر رہنماؤں اور لغڑی اتحاد کے رہنماؤں پر بےبنیاد مقدمات کے اندراج اور گرفتاریوں اور انتظامیہ کی جانب سے چادر اور چاردیواری کی پامالی کرتےہوئے سیاسی کارکنوں کے گھروں پر بلا جواز چھاپوں سمیت دیگر درپیش سنگین قومی معاشی مسائل اور اس پر حکمران اشرافیہ کی چھپ سادھ کے خلاف بدھ 13دسمبر کو باچاخان مرکز چمن کے سامنے صبح 10بجے پرامن احتجاج ریکارڈ کرایا جائیگا۔
ایک سوال کے جواب میں انہوں نے کہا کہ حکمران اشرافیہ چمن پرلت کے طوالت اور اس کے منفی اثرات کے ذمہ دار ہے ہم مطالبہ کرتے ہیں کہ دروازے پر پرلت سے پہلے والی حالت کو بحال کرکے بے چینی کا خاتمہ کیا جائے ۔
انہوں نے کہا کہ شدید سردی کے اس موسم میں افغان کڈوال عوام کی جبری بیدخلی بنیادی انسانی حقوق کی سنگین خلاف ورزی ہے جس پر ہمیں تشویش ہے اور ہم حکومت اور ریاست کی اس غیر قبول عمل کی مذمت کرتے ہیں کیونکہ ان جیسے حساس ایشوز نگران حکومتوں کے مینڈیٹ سے تجاوز ہے ایک اور سوال کے جواب میں عوامی نیشنل پارٹی کے صوبائی صدر اصغرخان اچکزئی نے کہا کہ الیکشن کمیشن کی جانب سے چمن کے دو صوبائی حلقوں کی ایک حلقے میں انضمام کے فیصلے میں الیکشن کمیشن کے ساتھ ساتھ یہاں کے نام نہاد قوم ںپرست مذہب پرست جماعتیں اور اسلام آباد نواز شخصیات برابر کے شریک ہے جنہوں نے الیکشن کمیشن میں چمن کے دو صوبائی حلقوں کو ایک حلقے میں تبدیل کرنے کے کیس کئے تھے ہم آپ کے توسط سے چمن کے غیور باشعور عوام سے اپیل کرتے ہیں کہ وہ ان نام نہاد عناصر کو مسترد کریں ۔
اس موقع پر انہوں نے اعلان کیا کہ عوامی نیشنل پارٹی چمن کے زیر اہتمام چمن پرلت کے حمایت ،افغان کڈوال کی جبری بیدخلی ، سیاسی کارکنوں کے خلاف ایف آئی آر کے اندراج، گرفتاریوں ، پی ٹی ایم کے سربراہ منظور پشتون اور ان کے ساتھیوں پر فائرنگ ان کے خلاف ناروا مقدمات کی اندراج،قوم دوست وطن دوست سیاسی جماعتوں کے کارکنوں کے گھروں پر چھاپوں چادر اورچاردیواری کے تقدس کی پامالی کے خلاف بدھ 13دسمبر کو باچاخان مرکز چمن کے سامنے احتجاجی مظاہرہ کیا جائیگا ۔
انہوں نے چمن کے غیور عوام سے مظاہرے میں شرکت کی اپیل جبکہ پارٹی کارکنوں اور ذمہ داران کو مظاہرے کی کامیابی کیلئے بھر پور تیاریوں کی تاکید کی۔
