کوئٹہ میٹرو پولیٹن کارپوریشن کے شعبہ صفائی اور کچرہ ڈھلائی کے فعال شعبوں کو سالڈ ویسٹ منیجمنٹ کے نام پر ٹھکیدار کے حوالے کرکے کوئٹہ کے فعال ادارے کے انتظامی امور میں مداخلت اور فنڈز کے ضیاع کی منصوبہ بندی کو تسلیم نہیں کیا جائے گا ۔
کوئٹہ میٹرو پولیٹن کار پوریشن میں ایک مخصوص گروہ ہر دور میں ادارے کے قیمتی اثاثوں کے غلط استعمال اور سیاسی مداخلت کی بنا پر کوئٹہ کے اہم ادارے کی ساکھ کو نقصان پہنچانے کیلئے ذاتی مفادات کے حصول کی کوشش کرتا ہے ادارے کی حقیقی مزدور و ملازم تنظیموں کو ایسے عناصر کا راستہ روکنا ہوگا ۔
ان خیالات کا اظہار بلوچستان لیبر فیڈریشن کے صدر خان زمان مرکزی سیکرٹری عابد بٹ نے کوئٹہ میٹرو پولیٹن کارپوریشن کے ملازمین سے بات چیت کرتے ہوئے کیا ۔
مزدور رہنماﺅں نے کہا کہ کوئٹہ شہر کے ایک فعال ادارے کو ہر چند ماہ بعد سیاسی مقاصد کے حصول اور فنڈ کے ضیاں کیلئے سیاست کی بھینٹ چڑہایا جاتا ہے ۔ ایک مخصوص لابی اپنے مقاصد کے حصول کیلئے سرگرم ہو جاتی ہے جو چند ہفتوں کلئے سالڈ ویسٹ ۔ شعبہ صفائی کو اور کوئٹہ شہر کے چند علاقوں کو ٹھکیدار کے حوالے کرنے سے اٹلی سیدھی تجاویز بناتے ہیں۔ ایسے اقدامات اداروں کے مفاد میں نہیں جاتے کوئٹہ میٹرو پولیٹن کارپوریشن کی اپنی کروڑوں روپے کی مشینری اور سینئر و تجربہ کار سینیٹری عملہ اورسینی ٹیشن کا شعبہ موجود ہے انکی صلا حیتوں کو بروئے کار لاکر کوئٹہ کے لٹل پیرس کا خواب پورا کیاجا سکتا ہے ۔
بلوچستان لیبر فیڈریشن ٹھکیداری نظام اور ملازمین و مزدوروں کےاستحصال پر مبنی پالیسیوں کے خلاف ہر فورموپر آواز بلند کرے گی ۔ کوئٹہ میٹرو پولیٹن کارپوریشن کے ملازمیناپنے حقوق کیلئے منظم ہوجائیں ۔
