کوئٹہ سے ملحقہ علاقے دشت میں نامعلوم افراد نے سابق وفاقی وزیر میر ہمایوں عزیز کرد کے مائنز پر دھاوا بول کر وہاں موجود مشینری کو نذرآتش کرکے تین مزدوروں کو اغواءکرکے اپنے ساتھ لے گئے۔
سابق وفاقی وزیر میر ہمایوں عزیز کرد کے ترجمان گل زمان عرف (گل جی) نے رابطہ کرنے پر واقعہ کی تصدیق کرتے ہوئے بتایا کہ مذکورہ واقعہ کوئٹہ سے ملحقہ علاقے دشت میں پیش آیا ہے جہاں نامعلوم مسلح افراد نے سابق وفاقی وزیر میر ہمایوں عزیز کرد کے مائنز پر حملہ کرکے وہاں موجود مشینری کو نذرآتش کیا اور تین مزدوروں کو اپنے ساتھ لے گئے اور دعویٰ کیا ہے کہ و اقعہ کی ذمہ داری ایک کالعدم تنظیم نے قبول کی ہے۔
گل زمان عرف( گل جی) نے بتایا کہ مذکورہ واقعہ کے پس پردہ محرکات میر ہمایوں عزیز کرد ان کے اصولی سیاسی موقف سے دستبردار کرانے کی سازش ہے۔
