بلوچستان کے دارالحکومت کوئٹہ کے نواحی علاقے ہزار گنجی کے قریب سی ٹی ڈی نے فائرنگ کے ایک واقعے میں چار افراد کو مارنے کا دعویٰ کیا ہے۔
سی ٹی ڈی کے مطابق فائرنگ کے تبادلے میں 4 منشیات فروش ملزمان ہلاک ہوگئے۔
ترجمان سی ٹی ڈی کے مطابق کارروائی کے دوران ملزمان کے قبضے سے منشیات اور اسلحہ بھی برآمد ہوا ہے۔سی ٹی ڈی ترجمان کے مطابق ہلاک ملزمان کا تعلق کالعدم مذہبی تنظیم جماعت الاحرار سے تھا۔
خیال رہے کہ بلوچستان میں سی ٹی ڈی کی کاروئیوں کو قوم پرست جماعتیں اور انسانی حقوق کی تنظیمیں مشکوک قرار دیتے ہیں۔
