تربت شہر سے متصل علاقے سنگانی سر میں گھر پر چھاپے کے دوران سی ٹی ڈی کی فائرنگ سے محمد اکبر نامی ایک شخص جاں بحق ہوگیا۔
مقامی لوگوں کے مطابق یہ واقعہ دو رات قبل اس وقت پیش آیا جب سی ٹی ڈی اور ایم آئی کے اہلکار رات تقریباً دو بجے سنگانی سر میں محمد اکبر کے گھر پہنچے اور ان کے بیٹے کو گرفتار کرنے کی کوشش کی۔ تاہم، ان کا بیٹا گھر پر موجود نہیں تھا۔
مقامی ذرائع کا کہنا ہے کہ اس دوران اہلکاروں نے محمد اکبر کو مبینہ طور پر شدید تشدد کا نشانہ بنایا اور بعد ازاں خواتین اور بچوں کے سامنے انہیں فائرنگ کرکے قتل کردیا۔
ذرائع کے مطابق محمد اکبر سابق چیف جسٹس بلوچستان ہائی کورٹ اور الیکشن کمیشن پاکستان کے رکن شکیل ایڈووکیٹ کے رشتہ دار تھے۔
