دی بلوچستان پوسٹ نیوز ڈیسک کو موصول ہونے والے اطلاعات کے مطابق بلوچستان کے ضلع خضدار میں روڈ حادثے کے نتیجے میں دو افراد جان کی بازی ہار گئے ہیں –
حادثہ زیرو پوائنٹ کے قریب موٹرسائیکل و ٹرک گاڑی میں تصادم کے نتیجے میں پیش آیا۔ جانبحق افراد کی لاشیں قریبی اسپتال منتقل کردی گئی ہے۔
بلوچستان میں ٹریفک حادثات روز کا معمول بن چکے ہیں گذشتہ روز بلوچستان کے ضلع مستونگ میں ایرانی ساختہ پک اپ گاڑی اور مزدہ ٹرک کے درمیان خوفناک تصادم کے نتیجے میں چار افراد جھلس کر جاں بحق ہوئے ہیں۔
بلوچستان سیاسی و سماجی حلقے ان حادثوں کی وجہ کوئٹہ کراچی قومی شاہراہ کے خستہ حالی کو قرار دیتے ہیں انکا مطالبہ ہے کہ حکومت کوئٹہ کراچی روڈ کو ڈبل روڈ بنائے تاکہ ان حادثوں کو روکا جاسکے-
