تحریک انصاف حکومت عوام کے بنیادی مسائل حل کرنے میں ناکام ہوچکا ہے – ڈاکٹر عبدالمالک بلوچ

136

نیشنل پارٹی کے مرکزی صدر سابق وزیراعلی بلوچستان ڈاکٹر عبدالمالک بلوچ نے کلی شابو میں سیاسی کارکنوں سے خطاب کرتے ہوئے کہا کہ 25 اکتوبر کو بلوچستان کے عوام پاکستان ڈیموکریٹک موومنٹ کے عظیم الشان جلسہ عام میں بھرپور انداز میں شرکت کرکے یہ ثابت کریں گے کہ بلوچستان کے غیور و جرات مند عوام حق و انصاف، جمہوریت اور پارلیمنٹ کی بالادستی کے ساتھ کھڑے ہیں۔

انہوں نے کہا کہ تحریک انصاف کی حکومت عوام کو انصاف دلانے اور بنیادی مسائل کو حل کرنے میں ناکام ہوچکا ہے مہنگائی و بےروزگاری کا جن قابو سے باہر ہے عوام کے لیے دو وقت کی روٹی کا حصول تک ناممکن ہوگیا ہے ۔

انہوں نے کہاکہ موجودہ حکومت پاکستان کی ناکام ترین حکومت ثابت ہوا ہے خارجہ پالیسی میں ناکامی کے پیش نظر پاکستان دنیا میں اکیلا ہوچکا ہے۔

انہوں نے کہا کہ بلوچستان کے عوام کے لیے موقع ہے کہ وہ اپنے قومی و سیاسی مقاصد کے حصول کے لیے پی ڈی ایم کی تحریک میں نمایاں کردار ادا کریں۔

انہوں نے کہا کہ اگر موجودہ حکمرانوں کا بس چلتا تو 18ویں آئینی ترمیم کو اب تک رول بیک کر چکے ہوتے این ایف سی کو آئینی تحفظ حاصل ہے بصورت دیگر کب کا ایسے بھی ختم کر کے ہوتے ۔

انہوں نے کارکنوں سے کہا کہ اپنی شرکت کو پاکستان ڈیموکریٹک موومنٹ کے جلسہ عام میں یقینی بنائیں اور مثالی ڈسپلن کا بھی مظاہرہ کریں۔

اجلاس سے مرکزی سیکریٹری جنرل جان محمد بلیدی، عطامحمد بنگلزئی، یاسمین لہڑی، نصیر شاہوانی، نیاز بلوچ، علی احمد لانگو، حنیف کاکڑ، حاجی عبدالصمد رند، عبید لاشاری، ستار بلوچ، محمود رند، دوست محمد لانگو نے بھی خطاب کیا۔