ضلعی انتظامیہ نے فورسز اہلکار کے ہلاکت کی تصدیق کرتے ہوئے کہا ہے کہ حملے میں لانس نائیک جاوید کریم ہلاک جبکہ تین اہلکار زخمی ہوئے، زخمیوں کو طبی امداد فراہم کرنے کیلئے ہسپتال منتقل کیا گیا۔
فورسز نے حملہ آوروں کی گرفتاری کیلئے علاقے کا گھیراؤ شروع کردیا۔
دوسری جانب گذشتہ روز بلیدہ کے علاقے جاڑین میں فورسز اور مسلح افراد کے درمیان جھڑپ کے نتیجے میں ایک شخص مارا گیا۔ مذکورہ شخص کا تعلق بلوچ مسلح آزادی پسند تنظیم سے بتایا جاتا ہے۔
علاقائی ذرائع نے ٹی بی پی کو بتایا کہ گذشتہ روز صبح فورسز اور مسلح افراد کے درمیان جھڑپوں کا آغاز ہوا رات گئے تک جاری رہیں جبکہ آج مذکورہ علاقے میں فورسز کی مدد کے لیے ہیلی کاپٹر بھی پہنچ گئے ہیں۔
مذکورہ علاقوں میں بلوچ مسلح آزادی پسند تنظیمیں متحرک ہیں تاہم دونوں واقعات کے حوالے سے کسی تنظیم کی جانب سے بیان جاری نہیں کیا گیا ہے۔
