بلوچستان میں انسانی حقوق کی تنظیم بلوچ ہیومن رائٹس آرگنائزیشن نے ماہ اپریل کے جاری کردہ رپورٹ میں کہا ہیکہ اپریل 2018 کو بھی بلوچستان کے حالات سنگیں رہے۔ اپریل میں سات مختلف اضلاع سے87 کیسز جبری گمشدگی کے اور 28 کیسز ماورائے عدالت قتل کے واقعات رپورٹ ہوئے۔
ہیومین رائٹس کونسل بلوچستان (ای ار سی بی) اور بلوچ ہیومین رائٹس آرگنائزیشن کیجانب سے اپریل2018 کا رپورٹ مشترکہ تحقیق کے بعد شائع کی گئی ہے جس میں جبری گمشدگی کے نو مزید کیسز رپورٹ ہوئے ہیں۔ جبری گمشدگی کے یہ نو مزید کیسز مارچ میں رونما ہوئے ہیں، لیکن یہ اپریل میں رپورٹ ہوئے۔
علیحدگی کی شورش کو روکنے کیلئےفوج 2004 سے بلوچستان میں انسداد بغاوت کی بے رحم آپریشنوں میں مصروف ہے۔ ہزاروں سیاسی کارکنان اور ہمدرد ماورائے عدالت قتل اور جبری گمشدگی کے شکار ہوئے۔
اپریل میں فوج نے بلوچستان کے مختلف حصوں سے نو افراد کو قتل کیا۔ اسی ماہ کے دوران پہلے سے گمشدہ دو افراد کی لاشیں بھی برآمد ہوئیں۔ گمشدہ افراد کے اہلخانہ فوج پہ الزام عائد کرتی ہیں کہ انکے پیاروں کی جبری گمشدگی میں فوج ملوث ہے۔
فوج کی آپریشن کے دوران چار افراد ہیلی کاپٹر کی شیلنگ سے قتل ہوئے، دو افراد کوموقع پر سیکورٹی فورسز نے قتل کیا جبکہ تین افراد کو فوج کی سہولت کار مسلح افراد نے ٹارگٹ کلنگ کے ذریعے قتل کیا۔
ناز گل پانچ مہینے کی حاملہ خاتون تھی، جن کا تعلق بیسمہ کے علاقے راگے سے تھا، ناز گل کو سیکورٹی فورسز نے جبری گمشدہ کیا تھا، انہیں دسمبر 2017 سے غیر قانونی طور پر خفیہ قید خانوں میں قید رکھا گیا تھا۔ ناز گل دوران حراست فوت پا گئی۔ یہ خفیہ ٹارچر سیل فوج کے سہولت کار قبائلی سرداروں کے زیر اثر ہیں۔
دسمبر 2017 کو ایف سی نے 19 شہری بیسمہ کے علاقے راگے سے جبری گمشدہ کیے جن میں خواتین و بچے بھی شامل تھے۔ مغویان کو پہلے مشکے آرمی کیمپ منتقل کیاگیا تھا، لیکن بعد میں انہیں فوج کی سہولت کار قبائلی سردار علی حیدر محمد حسنی کے حوالے کیا گیا۔ علی حیدر نے تمام مغویان کو اپنے غیر قانونی قید خانوں میں یرغمال رکھا ہے۔
ناز گل محمد اقبال کو جب حراست میں لیا گیا تھا تو اس وقت وہ حاملہ تھیں۔ ناز گل6 اپریل 2018 کو وفات پاگئی اور انکے جسم پہ حمل سے متعلقہ پیچیدگی کے علامات ظاہر تھے۔
علی حیدر کے محافظوں نے ناز گل اور دوسرے قیدیوں سے زبردستی گھریلو کام کروائےتھے۔ جب ناز گل حمل سے متعلقہ پیچیدگیوں میں مبتلا تھی تو علی حیدر کےمحافظوں نے ڈاکٹر بلانے سے انکار کیا تھا۔
ایک اور خاتون جنکا نام جمیلہ تھا، جو ضلع کیچ کے علاقے اوشاب کی رہائشی تھی کو نامعلوم مسلح افراد نے یکم اپریل 2018 کو قتل کیا۔ جمیلہ کی بچوں نے ویڈیو بیان میں کہا تھا کہ کچھ مسلح افراد جنکا چہرہ ڈھکا تھا گھر میں داخل ہوئے، انکی ماہ کو گھسیٹا اور پھر انکو مار ڈالا۔
جمیلہ کے بھائی اقبال سوالی کی لاش بھی اسی دن سڑک کنارے برآمد ہوئی۔ آذادی پسند مسلح تنظیم بلوچستان لیبریشن فرنٹ (بی ایل ایف) نے اقبال سوالی کے قتل کی زمہ داری قبول کی اور کہا کہ اقبال پہلے بی ایل ایف سے منسلک تھا، لیکن بعد میں فوج کے سامنے ہتھیار ڈال دیا۔
دریں اثناء مذہبی اقلیت کے 10 لوگوں کو مذہبی شدت پسندوں نے قتل کیا۔ اس خطےمیں شعیہ اور کرسچن مذہبی برادری پہ اکثر مذہبی شدت پسند حملہ کر تے ہیں۔
کرسچین خاندان کے 4 لوگوں کو یکم اپریل 2018 کو بلوچستان کے دارلحکومت کوئٹہ میں قتل کیا گیا تھا۔ کرسچین برادری کی یہ خاندان رکشے میں سوار کوئٹہ کے علاقےشاہ زمان روڑ سے گزر رہے تھے کہ اسی دوران موٹرسائیکل سوار مسلح افراد نے ان پہ گولی چلائی، جسکے باعث کرسچین خاندان کے تمام اراکین رکشہ ڈرائیور سمیت موقع پر ہلاک ہوئے۔
14 اپریل 2018 کو مزید دو کرسچن برادری کے لوگوں کا قتل ہوا۔ ان پہ اس وقت حملہ ہوا جب وہ اتوار کو کوئٹہ کے علاقے عیسیٰ نگری سے عبادت کے بعد واپس اپنے گھر جارہے تھے۔
27 اپریل کو ہزارہ برادری کے دو اراکین کوئٹہ میں الیکٹرونکس کی دکان پہ مسلح افراد کی فائرنگ سے ہلاک ہوئے۔ متاثرین میں محمد علی رضائی بھی شامل تھے جو شعیہ بلوچستان کانفرس کے بزرگ رکن تھے۔ ذرائع سے پتہ چلا کہ رضائی عموما ً اپنےمحافظوں کے ساتھ گھومتے تھے، لیکن سپریم کورٹ کے حکم کے بعد انکے محافظوں کو ہٹا دیا گیا تھا۔ 22 اپریل 2018 کو ہزارہ برادری کے دو مزید اراکین کو کوئٹہ میں ہلاک کیا گیا۔
