بلوچ اسٹوڈنٹس آرگنائزیشن کے مرکزی چیئرمین نذیر بلوچ نے 22 ستمبر کو بلوچستان نیشنل پارٹی کے زیر اہتمام شہید نواب امان اللہ زہری کے یاد میں منعقدہ جلسہ عام کی بھرپور حمایت کا اعلان کرتے ہوئے کہا ہوئے کہا ہے کہ موجودہ پرآشوب حالات جہاں بلوچستان میں سیاسی قدغن کی صورتحال ہے قومی رہنماوں کو ٹارگٹ کلنگ کا نشانہ بنا کر قومی سیاسی عمل کو کمزور کرنے کے سازشوں کا ایک نیا سلسلہ شروع کی گئی ہے ۔
انہوں نے کہا کہ کوئٹہ سمیت بلوچستان بھر کے غیور قوم و وطن دوست عوام کی زمہ داری بنتی ہے کہ ہاکی گراونڈ کوئٹہ میں منعقد ہونے والی 22 ستمبر کے جلسہ عام میں بھرپور شرکت یقینی بنائیں۔
انہوں نے مزید کہا ہے بلوچستان میں سیاسی قدغن قومی اکابرین کی ٹارگٹ کلنگ تقسیم در تقسیم کے عمل کو تقویت دینے کے لئے سماج دشمن لوگوں کو کھلی چھوٹ دینا اس بات کی نشاندہی کرتی ہے کہ بلوچستان کے حوالے سے منفی اوچھے ہتھکنڈوں میں کوئی تبدیلی نہیں آئی بلکہ جنرل مشرف سے لیکر آج دن تک طاقت کے استعمال میں مختلف طریقوں سے تیزی لائی گئی ہے شہید نواب امان اللہ زہری جیسے دوراندیش اور دوراندیشن انسان کا ٹارگٹ کلنگ سے بلوچستان کے سیاسی عمل کو ناقابل تلافی نقصان پہنچائی گئی 22 ستمبر کے جلسہ عام میں شرکت کرکے شہید کو بھرپور انداز میں خراج تحسین پیش کی جائے گی اور انکے فکر کو آگے بڑھانے کے لئے تجدید عہد کیا جائے گا ۔
