بلوچ یکجہتی کمیٹی نے زیر حراست بلوچوں کی ماورائے عدالت قتل کو بلوچ نسل کشی کا تسلسل قرار دیتے ہوئے کہا ہے کہ ابو بکر حاصل ولد حاصل، جو دشت بل نگور کا رہائشی اور اس وقت گوادر بلوچ وارڈ میں مقیم تھا، کو 26 نومبر 2025 کو پاکستانی فورسز نے جبری طور پر لاپتہ کر دیا تھا۔
مقامی لوگوں نے رپورٹ کیا کہ ابو بکر کو گوادر بلوچ وارڈ سے پاکستانی فورسز کے اہلکاروں نے جبری لاپتہ کیا تھا وہ ایک عام بلوچ تھا جو ریڑھی لگا کر سبزیاں فروخت کرتا تھا اور معمولی آمدنی سے اپنے خاندان کی کفالت کرتا تھا۔ اس کی جبری گمشدگی کے دو دن بعد، 28 نومبر کی صبح، اس کی مسخ شدہ لاش، جس پر واضح تشدد اور شدید اذیت کے نشانات تھے، ڈی بلوچ، ضلع کچ کے علاقے میں ملی۔
بی وائی سی نے کہا ہے کہ ابو بکر کے ساتھ غیر انسانی سلوک اور اس کی ہلاکت بلوچستان بھر میں جاری بلوچ نسل کشی کی زمینی حقیقت کو ظاہر کرتی ہے، جو ماورائے عدالت قتل، جبری گمشدگیوں اور بے گناہ و پرامن شہریوں کے ٹارگٹ کلنگ کی شکل میں جاری ہے۔
مزید کہا ہے کہ عمران، عمر 26 سال، ولد ندیل حیات، ساکن گومازی تمپ، کو بدھ کی رات تقریباً 2 بجے ریاستی حمایت یافتہ ڈیتھ اسکواڈ کے کارندوں نے اس کے گھر سے جبری طور پر لاپتہ کر دیا، جب کہ اس کے گھر میں شادی کی تقریبات جاری تھیں۔ اسے 26 نومبر 2025 کو حراست میں لیا گیا۔
عمران کے خاندان کے مطابق، آپریشن کارندے، جو قانون نافذ کرنے والے اداروں کے ساتھ کام کرتے ہیں، نے اسے حراست میں لینے کے فوراً بعد گھر والوں سے رابطہ کیا۔ جبری گمشدگی کے ایک دن کے اندر، انہوں نے اس کی رہائی کے لیے 2 کروڑ روپے تک تاوان کا مطالبہ کیا اور خبردار کیا کہ ادائیگی نہ کرنے کی صورت میں عمران کی تشدد زدہ لاش انہیں دی جائے گی۔ خاندان رقم پوری نہ کر سکا، تاہم بڑی مشکل سے 70 لاکھ روپے جمع کیے گئے، مگر اس کے باوجود اسی مسلح گروہ نے اگلی رات عمران کی تشدد زدہ لاش گومازی، تمپ کے علاقے میں پھینک دی۔
انہوں نے کہاکہ عمران کی جبری گمشدگی اور ماورائے عدالت قتل بلوچستان بھر میں جاری ریاستی حمایت یافتہ تشدد کو اجاگر کرتی ہے۔ اجتماعی سزا کی اس منظم مہم، جو پاکستانی نیم فوجی دستوں کی حمایت یافتہ مسلح گروہوں کے ذریعے چلائی جا رہی ہے، انسانی حقوق کی سنگین خلاف ورزیوں کی عکاسی کرتی ہے، جن میں جبری گمشدگیاں، تشدد اور ٹارگٹ کلنگ شامل ہیں، جو خطے میں بگڑتے انسانی بحران میں اضافہ کر رہی ہیں۔
