بلوچستان کے ضلع کیچ کے علاقے دشت بلنگور سے ایک شخص کے پاکستانی فورسز کے ہاتھوں جبری گمشدگی کا واقعہ سامنے آیا ہے۔
لاپتہ ہونے والے شخص کی شناخت امداد ولد بیگ محمد، سکنہ کلیرو بلنگور کے نام سے ہوئی ہے۔
مقامی ذرائع کے مطابق امداد کو گزشتہ روز بلنگور کیمپ میں حراست میں لیا گیا، جس کے بعد سے وہ لاپتہ ہیں۔ اہلِ خانہ کا کہنا ہے کہ انہیں تاحال ان کے بارے میں کوئی معلومات فراہم نہیں کی گئیں۔
ذرائع نے مزید بتایا کہ امداد کے چھوٹے بھائی مھران کو بھی تقریباً تین ماہ قبل تربت سے پاکستانی فورسز نے حراست میں لینے کے بعد لاپتہ کردیا تھا، تاہم وہ تاحال بازیاب نہیں ہوسکے ہیں۔
