صحبت پور کے علاقے بھنڈ کے قریب بہادر خان کھوسہ کے مقام پر نامعلوم افراد نے مین روڈ کے پل کے نیچے سے گزرنے والی جعفرآباد سے صحبت پور آنے والی چھ انچ قطر کی مرکزی گیس پائپ لائن کو دھماکہ خیز مواد کے ذریعے تباہ کر دیا گیا۔
دھماکے کے نتیجے میں گیس پائپ لائن کو شدید نقصان پہنچا، جس کے باعث صحبت پور اور اس سے ملحقہ علاقوں میں گیس کی فراہمی معطل ہو گئی۔
سوئی سدرن گیس کمپنی کے حکام کے مطابق کمپنی کا فنی عملہ فوری طور پر جائے وقوعہ پر پہنچ کر صورتحال کا جائزہ لینے کے بعد متاثرہ گیس پائپ لائن کی مرمت کا کام شروع کر چکا ہے۔
ترجمان نے بتایا کہ مرمتی کام تیزی سے جاری ہے اور کوشش کی جا رہی ہے کہ شام تک گیس کی فراہمی بحال کر دی جائے۔
