ہرنائی میں 6 کوئلہ کان نذر آتش

367

بلوچستان کے ضلع ہرنائی میں گذشتہ رات نامعلوم افراد نے چھ کوئلہ کانوں کو آگ لگادی۔

علاقائی ذرائع کا کہنا ہے کہ گذشتہ رات نامعلوم مسلح افراد نے ہزارہ ڈیم کے مقام پر دو اور چالیس کے مقام میں چار کوئلہ کانوں کونذر آتش کردیا اور نامعلوم سمت فرار ہوگئے۔

آج صبح ضلعی حکام نے مذکورہ مقام پر پہنچ کر تفتیش کا آغاز کردیا ہے۔

گذشتہ مہینے کے اواخر میں ہرنائی کے علاقے خوست میں کوئل مائنز ایریا میں نامعلوم افراد نے کوئلہ کانوں میں کام کرنے والےکانکنوں کے ڈیرے پر حملہ کیا۔

مسلح افراد کے حملے میں چار افراد ہلاک اور تین افراد زخمی ہوگئے جبکہ مسلح افراد نے آگ لگاکر گیارہ کوئلہ کانوں کو جلا دیا۔