سری گڈگی میں فوجی چوکی کو نشانہ بنایا۔ بی ایل ایف

176

بلوچستان لبریشن فرنٹ کے ترجمان میجر گہرام بلوچ نے بیان جاری کرتے ہوئے کہا ہے کہ سرمچاروں نے کیچ کے علاقے سری گڈگی میں پاکستانی فوج کی چوکی پر راکٹوں سے حملہ کیا ہے۔

انہوں نے کہا کہ کیچ کے علاقے سری گڈگی میں آج صبح دس بجے سرمچاروں نے پاکستانی فوج کی چوکی کو اس وقت راکٹوں سے نشانہ بنایا جب وہ 23 مارچ یوم پاکستان کی تقریب کی تیاری میں مصروف تھے۔ راکٹ گولے چوکی کے اندر گر کر دھماکے سے پھٹ گئے جس سے دشمن فورسز کو جانی و مالی نقصان پہنچا ہے۔

بی ایل ایف ترجمان نے کہا کہ پاکستانی فوج نے مذکورہ چوکی واٹرسپلائی پر قبضہ کرکے قائم کیا ہے۔ انہوں نے مزید کہا کہ بی ایل ایف اس حملے کی ذمہ داری قبول کرتی ہے اور بلوچستان سے دشمن فورسز کے انخلا تک حملے جاری رہیں گے۔