بلوچستان کے علاقے لسبیلہ میں آج پیش آنے والے ایک روڈ حادثے میں ابتک چالیس افراد جان کی بازی ہار گئے ہیں
روڈ حاددثہ لسبیلہ کے علاقے چینکی اسٹاپ کے قریب مسافر اس وقت پیش آیا جب مسافر برادر کوچ کوئٹہ سے کراچی جارہی تھی کہ کھائی میں جاگری ، جس کے نتیجے میں اب تک 40 افراد جاں بحق ہوگئے جبکہ متعدد زخمی ہیں جبکہ ہلاکتوں میں اضافے کا خدشہ ہے ۔
حادثے کی اطلاع پر فائربریگیڈ گاڑیوں اور ریسکیو عملے نے موقع پر پہنچ کر آگ بجھائی، اے سی بیلہ کے مطابق مسافر کوچ میں 48 مسافر سوار تھے۔
بلوچستان میں اس طرح کے جان لیوا روڈ حادثات عام ہیں۔ سٹرکوں کی ناقص تعمیر اور ٹریفک قوانین کو نظر انداز کرنے کے ساتھ ساتھ خراب حالت والی گاڑیوں جیسے عوامل ایسے حادثات میں مرکزی کردار ادا کرتے ہیں۔
بلوچستان میں سالانہ ہزاروں افراد اس طرح کے روڈ حادثات کی وجہ سے موت کے منہ میں چلے جاتے ہیں۔گذشتہ سال قلعہ سیف اللہ میں ایک تیز رفتار بس اسی طرح کھائی میں گرنے سے کم از کم بائیس افراد ہلاک ہو گئے تھے۔
دو سال قبل اسی علاقے میں کراچی سے پنجگور جانے والی مسافر بردار کوچ میں تصادم کے بعد آگ لگنے سے تیس کے قریب افراد جان کی بازی ہار گئے۔
