سات سال قبل گھر سے موبائل بیلنس ڈلوانے جانے والا تونسہ کا رہائشی محمد گلفام 26 جولائی 2012 سے لاپتہ ہے پولیس تھانہ سٹی میں مقدمہ بھی درج ہوا مگر تاحال سراغ نہ مل سکا بیٹے کی جدائی میں ریٹائرڈ سکول ٹیچر نے بیٹے کی تلاش میں ہر ممکن کوشش کی مگر کہیں شنوائی نہ ہوئی
دی بلوچستان پوسٹ نیوز ڈیسک رپورٹ کے مطابق محمد گلفام کے والدین نے وزیراعلی پنجاب عثمان بزدار کو بھی بیٹے کی بازیابی کے لیے درخواست دی مگر وہاں سے بھی کوئی خاطر خواہ جواب نہ مل سکا والدین اپنے جوانسال بیٹے کی جدائی میں غم کی تصویر بنے ہوئے ہیں ۔ بے بس مجبور ماں ہر دستک پر چونک جاتی ہے کہ شاید اس کا لخت جگر لوٹ آیا ہو۔
بے بسی کی تصویر بنے خاندان نے وزیراعلی پنجاب سردار عثمان بزدار وزیراعظم عمران خان اور چیف جسٹس آف پاکستان سے اپیل کی کہ انسانی ہمدردی کی بنیاد پر ہمارے بیٹے کو بازیاب کیا جائے ۔
