بلوچستان کے ساحلی پٹی گڈانی کے اراضیات کی غیر قانونی لیز اور قبضے کیخلاف لسبیلہ پریس کلب کے سامنے احتجاجی مظاہرہ
دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے صنعتی شہر حب کے ساحلی علاقے گڈانی میں مکینوں نے شپ بریکرز اور مقامی وڈیروں کی جانب سے گڈانی ساحل کے اراضیات کی غیر قانونی لیز اور قبضہ گیری کے خلاف لسبیلہ پریس کلب کے سامنے احتجاجی مظاہرہ کیا۔
مظاہرین نے ہاتھوں میں پلے کارڈ اٹھا رکھے تھے جن پر مقامی انتظامیہ کے خلاف نعرے درج تھے جبکہ مظاہرے میں خواتین و بچے بھی شامل تھے۔
مظاہرین نے میڈیا سے بات کرتے ہوئے کہا کہ ساحلی پٹی کے خشک اراضیات پر قبضہ کرکے مقامی وڈیرے پندرہ روپے کے عوض گز زمین بیج کر مقامی لوگوں کو بے دخل کرنے کی کوشش کی جارہی ہے۔
انہوں نے الزام عائد کیا ہے کہ مقامی انتظامیہ کروڑوں روپے کی رشوت لیکر انڈسٹریل ایریا میں زمینوں کو سستے داموں بیچ رہی ہے۔
