فیفا ورلڈ کپ 2026 کے پہلے سیمی فائنل میں سپین نے فرانس کو 0-2 سے شکست دے کر فائنل کے لیے کوالیفائی کر لیا۔
ڈیلس میں کھیلے گئے پہلے سیمی فائنل میں سپین نے ابتدا ہی سے جارحانہ کھیل کا مظاہرہ کیا اور فرانس کو سنبھلنے کا موقع نہ دیا۔
سپین کی جانب سے پہلا گول میچ کے 24ویں منٹ میں پنالٹی کِک پر اسکور کیا گیا، جبکہ دوسرا گول 58ویں منٹ میں پیڈرو پورو نے کرکے ٹیم کی برتری مستحکم کر دی۔
فرانس کی ٹیم میچ میں واپسی کی کوشش کرتی رہی، تاہم سپین کے مضبوط دفاع اور منظم کھیل کے باعث کوئی گول کرنے میں کامیاب نہ ہو سکی۔
اس کامیابی کے ساتھ سپین نے 16 برس بعد فیفا ورلڈ کپ کے فائنل میں جگہ بنا لی۔ اس سے قبل سپین نے 2010 میں ورلڈ کپ کا ٹائٹل اپنے نام کیا تھا۔
دوسری جانب فیفا ورلڈ کپ 2026 کا دوسرا سیمی فائنل بدھ کو ارجنٹینا اور انگلینڈ کے درمیان کھیلا جائے گا۔
