ایران کے سرکاری نیوز ایجنسی کا دعویٰ ہے کہ قانون نافذ کرنے والے اداروں نے گذشتہ ماہ مغربی بلوچستان کے علاقے ایران شہر سے اغواء اور بعدازاں قتل ہونے والے انسانی حقوق کے کارکن حانی گل اور اس کے شوہر سمیر کے قاتلوں کو گرفتار کرلیا ہے۔
سرکاری نیوز ایجنسی تسنیم کے مطابق چھ رکنی ٹیم کو شناخت کے بعد گرفتار کیا گیا ہے۔ تاہم انہوں نے گرفتار افراد کے نام ظاہر نہیں کئے ہیں ۔
نیوز ایجنسی کے مطابق مذکورہ گروہ نے حال ہی میں سمیر بلوچ اور ان کی حاملہ اہلیہ حانی گل بلوچ کو ایران شہر سے اغوا کیا اور انہیں سراوان کے آس پاس لے کر گئے اور تشدد کے بعد قتل کیا۔
یاد رہے کہ حانی گل اور سمیر بلوچ کو گذشتہ ماہ ایران سے اغواء کیا گیا تھا اور بعدازاں ان تیزاب پاشی سے مسخ شدہ لاشیں سرحدی علاقے مغربی بلوچستان سے برآمد ہوئی تھیں۔
حانی گل انسانی حقوق کی کارکن تھیں اور ان کے شوہر سمیر بلوچ اسکول استاد رؤف بلوچ کے بھائی تھے، جنہیں بلوچستان کے ضلع کیچ میں توہین مذہب کے الزام میں قتل کیا گیا تھا۔
