پشتون تحفظ موومنٹ کے سربراہ منظور پشتین نے کہا ہے کہ ریاستی سیکورٹی فورسز نے خیبر کے علاقے تختہ بیگ میں مقامی نوجوان بلال کو گولیاں مار کر قتل کر دیا ہے۔
انہوں نے کہا کہ ریاستی اداروں کا پشتونوں کے قتل کا سلسلہ بدستور جاری ہے مگر اس بار پشتون خاموشی سے برداشت نہیں کرینگے۔
واقعہ کے خلاف خیبر کے عوام نے لاش روڈ پر رکھ کر تختہ بیگ کے مقام میں دھرنہ شروع کیا ہے۔ جس کے سبب ٹریفک کی روانی معطل ہے۔
منظور پشتین خیبر کے دھرنے پہنچ گئے ہیں۔ انہوں نے گزارش کرتے ہوئے کہا کہ ریاستی ظلم کے خلاف اس دھرنے میں شرکت کریں۔
