بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ اپنے ایک پریس ریلیز میں کہا ہے کہ بولان کے علاقے دربی میں سرمچاروں نے فائرنگ کرکے موبائل فون ٹاور کوتباہ کردیاہے۔
ترجمان نے کہا کہ موبائل فون ٹاورتباہ کرنے کے بعد سرمچاروں نے ٹاور سے منسلک تمام مشینریز کو بھی نذر آتش کردیاہے۔
گہرام بلوچ نے کہا کہ ریاستی فوج بلوچ آزادی پسندوں کو ٹریس کرنے کیلئے انسانی آبادیوں سے کوسوں دور پہاڑی علاقوں میں مواصلاتی سسٹم کا ایک جال بچھا رہی ہے جسے نشانہ بنایا جارہا ہے۔
انہوں نے مزید کہا کہ بلوچستان کی آزادی تک دشمن عناصر اور ان کے بچھائے گئے جالوں کے خاتمے کاعمل جاری رہے گا۔
