بلوچستان کے ضلع کیچ کے علاقے کولواہ میں پاکستانی فورسز کے پوسٹ کو مسلح افراد نے حملے میں نشانہ بنایا ہے جس کے نتیجے میں فورسز اہلکاروں کو جانی نقصانات اٹھانے کی اطلاعات ہیں۔
حملہ کولواہ کے علاقے ڈنڈار میں پونزَگ ءِ سُنٹ کے مقام پر کیا گیا۔
عسکری حکام نے تاحال نقصانات کے حوالے سے کوئی موقف پیش نہیں کیا ہے۔ جبکہ حملے کی ذمہ داری بھی کسی تنظیم نے قبول نہیں کی ہے۔
خیال رہے بلوچستان میں پاکستانی فورسز پر ہونے والا یہ دوسرا حملہ ہے۔ اس سے قبل بولان کے علاقے سانگان میں فورسز پوسٹ کو مسلح افراد نے نشانہ بنایا تھا۔
