بلوچ کونسل ملتان کو ہر طرح کے تعاون کی یقین دہانی کرواتے ہیں
بلوچ ایجوکیشنل کونسل بہاولپور کے مرکزی ترجمان نے اپنے جاری کردہ بیان میں بلوچ سٹوڈنٹ کونسل ملتان کے جہد کو سراہتے ہوئے کہا کہ بلوچ سٹوڈنٹ کونسل ملتان بہاؤالدین زکریا یونیورسٹی ملتان میں مختص کردہ نشستوں کے خاتمے کے خلاف ایک تاریخی جہدوجہد کر رہی ہے لیکن حکام بالا اور یونیورسٹی انتظامیہ کے طرف سے انہیں مسلسل نظر انداز کیا جا رہا ہے اسی وجہ سے بلوچ سٹوڈنٹ لانگ مارچ جیسے سخت اقدام اٹھانے پر مجبور ہوئے یونیورسٹی انتظامیہ حکومتِ پنجاب اور حکومت بلوچستان کے طرف سے کسی بھی قسم کا کوئی ردِعمل نہ آنا ایک انتہائ افسوس ناک امر ہے جس کی جتنی مذمت کی جائے کم ہے۔
بلوچستان اور ڈیرہ غازی خان سے تعلق رکھنے والے اسٹوڈنٹس کے مختص کر دہ نشستوں کا خاتمہ پسماندہ علاقوں کے طلبہ کو تعلیم سے دور رکھنے کے مترادف ہے ۔
بلوچ طلبا اب پنجاب کے مختلف شہروں اور علاقوں سے ہوتے ہوئے اسلام آباد کے طرف جائینگے بلوچ طلبہ کا یہ اقدام بلوچ تعلیم دوستی کا ثبوت ہے جو کہ دورِ حاضر میں تعلیم کے حصول کے لیے سب سے بڑا لانگ مارچ ہو گا ۔
مرکزی ترجمان نے اپنے بیان کے آخر میں اسلامیہ یونیورسٹی بہاولپور کے اوپن میرٹ سیٹس کو بغیر کسی نوٹیفیکیشن کے اچانک ختم کرنے تمام سٹوڈنس کے ہاسٹل الائٹمنٹ کے خاتمے اور دیگر مسائل کو انتظامیہ کے سامنے رکھنے کے باوجود ان کے جانب سے کسی قسم کا ردعمل نہ آنے کو انتہائی افسوسناک قرار دیا، انہوں نے کہا کہ اس کے خلاف جلد ہی باقی طلبہ تنظیوں کے ساتھ مل کر اگلا لائحہ عمل تیار کریں گے۔
