بلوچستان لبریشن فرنٹ کے ترجمان گہرام نے سی پیک روٹ اور مشکے میں آرمی کیمپوں پر حملوں کی ذمہ داری قبول کرتے ہوئے نامعلوم مقام سے سیٹلائٹ فون کے ذریعے بتایا کہ بروز بدھ 20 جون کی دوپہر کو سرمچاروں نے چین پاکستان اکنامک کوریڈور (سی پیک) منصوبے کی روٹ پر ضلع پنجگور میں کیلکور کاشتکور میں آرمی کیمپ اور اس کے تین چوکیوں پر ایک ہی وقت میں راکٹوں اور بھاری ہتھیاروں سے حملہ کیا۔
ترجمان نے دعوہ کیا کہ اس حملے میں تین اہلکار ہلاک اور کئی زخمی ہوئے ہیں۔ حملے میں جانی نقصانات کے ساتھ فورسز کو بھاری مالی نقصان بھی اُٹھانا پڑا ہے۔
بی ایل ایف کے ترجمان نے مزید کہا کہ کل رات ضلع آواران کے علاقے وادی مشکے ،جیبری کے فوجی کیمپ پر مارٹروں سے حملہ کرکے قابض فوج کو بھاری جانی و مالی نقصان پہنچایا ہے اور انہوں نے کہا کہ یہ حملے مقبوضہ بلوچستان کی آزادی تک جاری رہیں گے۔
