دشت میں جاری فوجی آپریشن کے دوران پاکستانی فورسز نے ایک کمسن نوجوان کو حراست میں لینے کے بعد لاپتہ کردیا ہے تفصیلات کے مطابق آج بروز جمعرات پاکستانی فوج نے ضلع کیچ کے علاقے دشت کروس تنک میں علی الصبح آپریشن کا آغاز کرتے ہوئے خواتین و بچوں کو تشدد کا نشانہ بنایا،گھروں کے قیمتی سامان لوٹ لئے جبکہ ایک کمسن نوجوان کو حراست میں لیکر لاپتہ کردیا جسکی شناخت صغیر ولد قادر بخش کے نام سے ہوگئی جو کروس تنک کا رہائشی بتایا جاتا ہے۔
یاد رہے کہ پاکستانی فوج نے آپریشن ردالفساد کے نام سے بلوچستان کے طول و عرض میں ایک وسیع آپریشن کا آغاز کیا ہوا ہے جس کے دوران اب تک درجنوں مرد و خواتین اور بچے جانبحق اور سینکڑوں لاپتہ کردیئے گئے ہیں۔
پاکستانی فورسز کا دعویٰ ہے کہ یہ افراد دہشتگرد ہیں جبکہ مختلف بلوچ قوم پرست تنظیموں کا الزام ہے کہ فورسز عام شہریوں کا نشانہ بنارہی ہے۔
