سات روز سے بجلی کی بندش کیخلاف قمبرانی روڈ پر اہل علاقہ کا احتجاج
دی بلوچستان پوسٹ نیوز ڈیسک رپورٹ کے مطابق کوئٹہ کے علاقے قمبرانی روڈ پر اہل علاقہ نے گذشتہ سات روز سے بجلی کی بندش کے خلاف احتجاج کرتے ہوئے سڑک کو ہر طرح کی ٹریفک کیلئے بند کردیا۔
سڑک بند ہونے سے سریاب سبزل اور ملحقہ سڑکوں پر ٹریفک بری طرح جام ہوگیا۔
واضح رہے کہ سات روز قبل برفباری اور ہوا سے علاقے کی لنک تار گر گئی ہے جس سے بجلی بند ہے۔
اہل علاقہ کے مطابق سات روز سے کیسکو آفسران کو آگاہ کر رہے ہیں لیکن کسی طرح سے شنوائی نہیں ہو رہی۔
مظاہرین نے کہا جب تک بجلی بحال نہیں ہوتی تب تک سڑک بند رکھیں گے، ساتھ ہی انہوں نے وزیر اعلیٰ بلوچستان سے اپیل کی وہ کیسکو کی بے حسی کا نوٹس لیں ۔
