بلوچستان کے دارالحکومت کوئٹہ میں مزید تین دھماکے ہوئے ہیں، دھماکوں میں ریلوے ٹریک تباہ ہوگئی۔
کوئٹہ میں منیر احمد روڈ کے قریب ریلوے ٹریک پر نامعلوم افراد نے بارودی مواد نصب کرکے ٹریک کو تباہ کردیا۔
اطلاعات کے مطابق ٹریک کو دو دھماکوں میں نشانہ بنایا گیا جبکہ مذکورہ مقام پر ایک اور آئی ای ڈی برآمد کرکے فورسز نے تباہ کیا۔
کوئٹہ میں آج مجموعی طور پر پانچ دھماکے ہوئے ہیں۔ آج صبح قمبرانی روڈ پر پولیس و دیگر فورسز کو یکے بعد دیگرے دو دھماکوں میں نشانہ بنایا گیا تھا جبکہ گذشتہ شب بھی فورسز کی چوکی کو دستی بموں سے نشانہ بنایا گیا تھا۔
ان حملوں کی ذمہ داری تاحال کسی نے قبول نہیں کی ہے۔
