پاکستانی فورسز نے دو بھائیوں کو حراست بعد نامعلوم مقام پر منتقل کردیا ہے۔
بلوچستان کے مرکزی شہری کوئٹہ سے اطلاعات کے مطابق پاکستانی فورسز اور سی ٹی ڈی نے کلی بروری میں گھر پر چھاپے کے دوران افراد کو حراست میں لیکر نامعلوم مقام پر منتقل کردیا ہے۔
پاکستانی فورسز نے 31 مئی کو بیس سالہ حسنین ولد عبدالرشید کو اور 2 جون کو انکے بڑے بھائی تئیس سالہ محمد رحیم ولد عبدالرشید کو تحویل میں لیکر لاپتہ کردیا ہے۔
اطلاعات کے مطابق دونوں بھائی طالب علم ہیں اور پاکستانی فورسز کی جانب سے تحویل میں لئے جانے کے بعد دونوں تاحال منظرعام پر نہیں آسکے ہیں۔
