بلوچستان لبریشن فرنٹ نے گذشتہ روز ضلع کیچ کے مرکزی شہر تربت میں ایف سی چوکی پر دستی بم حملے کی ذمہ داری قبول کرلی۔
بلوچستان لبریشن فرنٹ کے ترجمان میجر گہرام بلوچ کا کہنا ہے کہ سرمچاروں نے دستی بم حملے میں قابض فوج کے دو اہلکاروں کو ہلاک کیا۔
میجر گہرام بلوچ کا کہنا ہے کہ ضلع کیچ میں ہفتہ کی دوپہر ایک بجے سرمچاروں نے تربت شہر میں فوجی چوکی پر دستی بم سے حملہ کیا۔ تربت سنگانی سر میں سرمچاروں نے فوجی چوکی پر دستی بم پھینکا جس سے چوکی میں موجود دو اہلکار ہلاک اور ایک زخمی ہوا۔
میجر گہرام بلوچ نے کہا کہ دشمن فورسز پر حملے مقبوضہ بلوچستان کی آزادی تک جاری رہیں گے۔
