دی بلوچستان پوسٹ نیوز ویب ڈیسک کو موصول ہونے والی اطلاعات کے مطابق بلوچستان کے ساحلی شہر گوادر سے دو افراد فورسز کے ہاتھوں لاپتہ جبکہ پنجگور شہر سے ایک شخص کی لاش برآمد۔
تفصیلات کے مطابق آج شام 8 بجے کے قریب پاکستانی فورسز نے گوادر کے علاقے مونڈی میں ایک دکان پر چھاپہ مار کر دو افراد کو حراست میں لینے کے بعد نامعلوم مقام پر منتقل کردیا۔
لاپتہ افراد کی شناخت خلیل ولد موسیٰ اور قدوس ولد بشام کے ناموں سے ہوئی ہے جو دشت کے رہائشی بتائے جاتے ہیں۔
دوسری جانب بلوچستان کے شہر پنجگور کے علاقے پروم کے پہاڑوں سے ایک شخص کی لاش ملی ہے جس کی شناخت صادق بہرام کے نام سے ہوئی ہے۔
ذرائع کے مطابق لاش پر گولیوں کے نشانات پائے گئے ہیں۔
