افغان طالبان کے ایک حملے میں لوگر صوبے کے نائب گورنر کے ہلاک ہونے کی تصدیق کر دی گئی ہے۔
شورش زدہ صوبے لوگر کے ڈپٹی گورنر قمر الدین شکیب، اُن کے دو محافظوں کے علاوہ ایک اور شخص بھی عسکریت پسندوں کے گھات لگا کر کیے جانے والے اس حملے میں مارے گئے۔
یہ حملہ افغان دارالحکومت کابل کے نواح میں کیا گیا۔ اس حملے کی ذمہ داری طالبان نے قبول کر لی ہے۔
یہ امر اہم ہے کہ طالبان نے بدھ پچیس اپریل کو موسم گرما کے لیے الخندق نامی عسکری آپریشن کو شروع کرنے کا اعلان کیا ہے۔
