دی بلوچستان پوسٹ سوشل میڈیا رپورٹر کے مطابق بزرگ آزادی پسند رہنما میر عبدالنبی نے سماجی رابطے کے ویب سائٹ ٹوئیٹر پر بلوچ ریپبلکن پارٹی کے صدر براہمداغ بگٹی کے 27 مارچ 1948 کے بابت موقف کے حوالے سے ردعمل دیتے ہوئے کہا ہے کہ براہمداغ بگٹی کا ٹویٹ بلوچ تاریخ اور بلوچ قومی تحریک آزادی کا انحراف ہے۔
Brahundagh Bugti's tweet is denial of Baloch history & Baloch national struggle for #independence# it's to tarpedo the national movement -clandestinely pave the way 4 compromise.
— Meer Abdul Nabi (@MeerAbdulNabi) March 28, 2018
انہوں نے مزید کہا کہ یہ موقف بلوچ قومی تحریک کو خفیہ طور پر نقصان دینے اور ایک سمجھوتے کیلئے راہ ہموار کرنا ہے۔
یاد رہے گذشتہ شب براہمداغ بگٹی نے ٹوئیٹر پر اپنا موقف دیتے ہوئے کہا تھا کہ وہ 27 مارچ 1948 کو بلوچستان پر قبضے کا دن تسلیم نہیں کرتے، اس دن بلوچستان کے کئی ریاستوں میں سے صرف ایک ریاست قلات پر قبضہ ہوا تھا جبکہ باقی ریاستیں اپنی مرضی سے پاکستان کے ساتھ شامل ہوئے تھے اور وہ عرصہ دراز تک پاکستان کے اندر رہ کر حقوق چاہتے تھے۔
