گوادر حملہ: گذشتہ روز سے سرچ آپریشن جاری

مقامی لوگوں کا کہنا ہے کہ حملے کے بعدگوادر شہر کو سیکورٹی فورسز نے مکمل طور پر سیل کردیا ہے اور خارجی و داخلی راستوں کی سخت چیکنگ و نگرانی کی جارہی ہے۔

ذرائع کا کہنا ہے کہ چینی انجینئرز پر ہونے والے حملے کے مقام اور گردو نواح کے تمام محلوں فقیر کالونی، نیا آباد، جی ڈی کالونی میں پاکستانی فوج چادر و چاردیواری کو پامال کرکے گھر گھر سرچ آپریشن کر رہی ہے۔

مقامی افراد کا کہنا ہے کہ گھروں، محلوں اور راستوں میں سرچ آپریشن کے دوران خواتین و بچوں پر تشدد، زبردستی اور تذلیل کا نشانہ بنا رہی ہے۔

لوگوں کا کہنا ہے کہ اب تک فورسز نے متعدد افراد کو حراست میں لیکر لاپتہ کردیا ہے جن کی اب تک شناخت نہیں ہوسکی ہے۔