مستونگ سے آمد اطلاعات کے مطابق گذشتہ رات لکپاس کے مقام پہ پاکستانی سیکورٹی اہلکاروں کی جانب سے ایک پک اپ گاڑی پر پتھراؤ کیا گیا۔
پھتر لگنے سے ایک خاتون زخمی ہوگئی جس کے ردعمل پر عوام نے احتجاجاً کراچی کوئٹہ شاہراہ کو لکپاس کے مقام پر بند کرکے احتجاج کیا۔
احتجاج کے باعث دونوں طرف گاڑیوں کی لمبی قطاریں لگ گئی، روڈ کئی گھنٹوں تک بند رہا۔
مظاہرین نے کہاکہ لکپاس چیک پوسٹ پر فورسز اہلکاروں کا رویہ غیر مناسب اور ظالمانہ ہے۔ وہ مقامی لوگوں کے ساتھ ظالمانہ طریقے سے پیش آتے ہیں۔
انہوں نے کہاکہ وزیراعلیٰ نے بلوچستان تمام چیک پوسٹوں کو ختم کا اعلان کیا مگر ریاست کے اندر جو ریاستیں چیک پوسٹوں کی صورت میں قائم کئے گئے جس پر شہریوں کی عزت نفس مجروح کرنے میں کوئی کسر نہیں چھوڑی جاتی، اسے کون ختم کریگا۔
شہریوں نے کہاکہ یہاں سے اسمنگلروں کی گاڑیاں منشیات اور اسلحہ کے ساتھ باحفاظت گزاری جاتی ہیں اور شہریوں کو گھنٹوں چیکنگ کے نام پر ذلیل کیا جاتا ہے
