کراچی سمیت بلوچستان سے 7 افراد گرفتاری کے بعد لاپتہ

دی بلوچستان پوسٹ نیوز ڈیسک کو موصول ہونے والی اطلاعات کے مطابق کراچی سمیت بلوچستان کے ضلع کیچ سے مزید سات بلوچ لاپتہ کردیے گئے –

تفصیلات کے مطابق کراچی لیاری کے رہائشی لالہ ارشد ولد محمد حسن کو خفیہ اداروں نے گرفتار کرکے لاپتہ کردیا –

لواحقین کے مطابق لالہ ارشد کو جبری اغوا کے بعد لاپتہ کردیا گیا ہے – انہوں نے لالہ ارشد کی بازیابی کا مطالبہ کرتے ہوئے کہا کہ اسے منظر عام پر لایا جائے –

دریں اثناء ضلع کیچ کے علاقے گومازی سے مزید چھ افراد کو لاپتہ کیا گیا ہے –

ذرائع کے مطابق سکیورٹی فورسز کے اہلکاروں نے محب شیران، شعیب محمد شاہ، واجو واحد، فرید یونس اور مبارک دلمراد کو گرفتاری کے بعد لاپتہ کیا ہے –

مقامی ذرائع کے مطابق لاپتہ کیے گئے افراد سے دو کا تعلق بلوچستان کے ضلع خضدار سے ہے جو گومازی میں کنسٹرکش کا کام کرتے ہیں – جنہیں اس سے پہلے بھی لاپتہ کرنے بعد چھوڑ دیا گیا تھا-

خیال رہے کہ کہ رواں ہفتے بلوچستان کے مختلف علاقوں سے 20سے زائد افراد کی جبری گمشدگی کی رپورٹ سامنے آئی ہیں – جن میں گذشتہ روز گومازی کے 15افراد افراد بھی شامل ہیں جو تاحال لاپتہ ہیں –

بلوچستان میں لوگوں کو لاپتہ کرنے کا سلسلہ جاری ہے – سیاسی جماعتیں اور انسانی حقوق کی تنظیمیں ان کا ذمہ دار پاکستانی خفیہ اداروں اور فورسز کو قرار دیتے ہیں –