بلوچ ریپبلکن آرمی کے ترجمان بیبگر بلوچ نے میڈیا کو جاری کردہ بیان میں موبائل کمپنی کی ٹاور کو بارودی مواد سے تباہ کرنے کی ذمہ داری قبول کرلی
ترجمان نے کہا کہ ہمارے سرمچاروں نے کل رات قلات کے علاقے شور پارود میں قائم پاکستانی موبائل کمپنی یوفون کے ٹاور کو بارودی مواد لگاکر تباہ کردیا اور اسٹیشن کے اندر موجودہ مشینری کو بھی آگ لگاکر ناکارہ بنادیا
انہوں نے کہا کہ ہم واضح کرنا چاہتے ہیں کہ موبائل کمپنیاں بلوچستان میں سہولت کے نام پر ایک قہر سے کم نہیں ہیں جہاں بلوچ مسلح جہدکاروں سمیت سیاسی کارکنوں کو اغواء کرنے میں باقاعدہ ریاستی مشینری کے طورپر استعمال ہورہی ہیں۔
ترجمان کا کہنا تھا کہ جہاں ٹیکسس سے ریاست کی ڈوبتی معیشت کو سہارا دے رہی ہیں وہیں جہد کاروں کے موبائل فونز کو ٹریس کرنے میں باقاعدہ سہولت کار کے طورپر استعمال ہورہی ہیں جن کے خلاف ہم اپنی کاروائیاں مزید تیز کریں گے۔
