پاکستانی فورسز نے ہرنائی کے علاقے طورغر میں ایک گھر پر چھاپہ مار کر چار افراد کو گرفتار کرکے لاپتہ کردیا ۔
دی بلوچستان پوسٹ نیوز ڈیسک رپورٹ کے مطابق ہرنائی کے علاقے طورغر میں چھاپہ مار کر باپ کو تین بیٹوں سمیت گرفتار کرکے نامعلوم مقام پہ منتقل کر دیا ۔
گرفتاری کے بعد لاپتہ ہونے والے افراد میں درے خان ترین، اس کا بیٹا روزی خان ترین سمیت دو دیگر بیٹے شامل ہیں ۔
مقامی لوگوں کے مطابق درے خان ترین علاقے میں مال مویشیوں کو چراتے ہیں ۔
خیال رہے کہ بلوچستان کے مختلف علاقوں سے پاکستانی فورسز اور خفیہ اداروں کے ہاتھوں گرفتاری کے بعد لاپتہ ہونے کا سلسلہ تسلسل کے ساتھ جاری ہے ۔
دوسری جانب لاپتہ افراد کی بازیابی کےلئے کوئٹہ پریس کلب کے سامنے گذشتہ ایک دہائی سے پرامن احتجاج جاری ہے ۔
