بلوچستان کے ضلع کیچ کے علاقے دشت بلنگور میں پاکستانی فورسز نے آج صبح آپریشن کرتے ہوئے گھروں پر چھاپے مارے اور تلاشی کے دوران خواتین اور بچوں کو ہراساں کیا۔
ذرائع کے مطابق، اس دوران سات نوجوانوں کو حراست میں لے کر جبری طور پر لاپتہ کر دیا گیا ہے، جن کے بارے میں تاحال کوئی اطلاع موصول نہیں ہوئی۔
لاپتہ ہونے والوں میں نوید ولد لطیف، سلمان ولد ڈاکٹر سید محمد، حنیف ولد بخشی، نصیر ولد وشدل، افراز ولد نصیر، کمال ولد صفاء اور پھلان ولد صفاء شامل ہیں۔
علاقائی ذرائع کے مطابق فورسز نے آپریشن کے دوران نہ صرف گھروں کی سخت تلاشی لی بلکہ خواتین کو ہراساں کیا اور بچوں میں خوف و ہراس پھیل گیا۔
خیال رہے کہ بلوچستان میں جبری گمشدگیوں کا سلسلہ طویل عرصے سے جاری ہے، اور انسانی حقوق کے سوال اٹھاتے رہے ہیں۔
