کراچی سے پاکستانی فورسز نے ایک شخص کو حراست میں لے کر لاپتہ کردیا ہے جبکہ کوئٹہ سے ایک لاپتہ شخص بازیاب ہوگیا۔
لاپتہ ہونے والے شخص کی شناخت باکسر شعیب ولد غلام علی بابا کے نام سے ہوئی ہے۔ مذکورہ نوجوان کو گذشتہ روز فورسز نے کراچی کے بلوچ اکثریتی علاقے لیاری سنگو لین سے گھر پر چھاپہ مارکر حراست میں لیا۔
دوسری جانب گذشتہ دنوں کوئٹہ سے لاپتہ ہونے والے خاران کے رہائشی نوجوان طالب علم ابرار شاہ بازیاب ہوگئے ہیں۔
خیال رہے کہ ابرار شاہ ایف ایس سی کا طالبعلم ہے اس وقت کوئٹہ میں فری میڈیکل کی تیاری کررہا تھا۔ گذشتہ دنوں کوئٹہ کواری روڈ پر موجود چلڈرن ہسپتال کے نزدیک اس کے کمرے سے پاکستانی فورسز اور خفیہ اداروں نے چھاپہ اس کو حراست میں لیکر لاپتہ کردیا تھا۔
