متحدہ قومی موومنٹ رابطہ کمیٹی نے کہا ہے کہ بلوچ نوجوان عبدالحفیظ زہری کو عدالت کےحکم پر رہائی کے فوری بعد سیکورٹی فورسز کی جانب سےکراچی سینٹرل جیل کے باہر سے دوبارہ گرفتاری کی کوشش اور ان کے بھائی اور بہنوں پر فائرنگ اور تشدد کا واقعہ قابل مذمت ہے۔
انہوں نے کہا کہ عبدالحفیظ زہری کی ہمشیرہ اپنے بھائی کے خون آلود کپڑے اور اپنے اوپر ہونے والے تشدد کی تفصیلات بتا رہی ہیں ۔ عدالتوں کو مظلوم بلوچ خاندان پر ہونے والے بہیمانہ تشدد کا نوٹس لینا چاہیے۔
انہوں نے اپیل کی ہے کہ عدالت عظمیٰ اور انسانی حقوق کی تنظیمیں عبدالحفیظ زہری کی مظلوم بھانجی کی فریاد پر توجہ دیں ۔
