پاکستانی فورسز کے قافلے کو بم حملے کا نشانہ بنایا گیا ہے۔
بلوچستان کے علاقے دکی سے اطلاعات کے مطابق پاکستانی فورسز کے قافلے شامل گاڑی کو روڈ کنارے نصب ریموٹ کنٹرول بم حملے کا نشانہ بنایا گیا ہے، جس میں ابتک پانچ اہلکاروں کی ہلاکت اور دیگر کی زخمی ہونے کی تصدیق کی جاچکی ہے۔
اطلاعات کے مطابق پاکستانی فورسز کے گاڑی کو اس وقت حملے کا نشانہ بنایا گیا جب وہ آپریشن سے واپس آرہے تھے۔
حملے میں پاکستانی فورسز کی گاڑی مکمل طور پر تباہ ہوگئی ہے جبکہ زخمی اور ہلاک اہلکاروں کو اسپتال منتقل کرکے علاقے میں سرچ آپریشن کا آغاز کردیا گیا ہے۔
واقعہ کی ذمہ داری تاحال کسی گروپ نے قبول نہیں کی ہے۔
